ۇلتتىق قاۋىپسىزدىك كوميتەتى الماتى قالاسى بويىنشا دەپارتامەنتى سينتەتيكالىق ەسىرتكىنىڭ ەكى ءىرى جاسىرىن ءوندىرىسىن جويۋ بويىنشا وپەراسيا وتكىزدى.
ۇقك باسپا ءسوز قىزمەتىىنىڭ اقپاراتىنا سايكەس، پسيحوتروپتى زاتتاردى دايىندادى جانە ساتتى دەگەن كۇدىكپەن ءۇش ازامات ۇستالدى، دەپ حابارلايدى Almaty-akshamy.kz.
«ءتىنتۋ كەزىندە 21 كگ «مەفەدرون» جانە «الفا-رVر»، پرەكۋرسورلاردىڭ ءىرى پارتياسى مەن زەرتحانالىق جابدىقتار انىقتالدى. تاركىلەنگەن ەسىرتكى زاتتاردىڭ قۇنى «قارا» نارىقتا 420 ملن تەڭگەگە باعالانادى، ال كولەمى 85 000 رەت قابىلداناتىن مولشەرلەمەگە تەڭ. سوتتىڭ سانكسياسىمەن ۇستالعاندارعا قاماۋدا ۇستاۋ تۇرىندەگى بۇلتارتپاۋ شاراسى قولدانىلدى. ماتەريالدار قىلمىستىق كودەكستىڭ 297-بابى 3-بولىگى بويىنشا سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە تىركەلدى»،- دەلىنگەن دەرەككوز تاراتقان مالىمەتتە.
وزگە اقپاراتتار قىلمىستىق-پروسەستىك كودەكستىڭ 201-بابى 1-بولىگىنە سايكەس جاريا ەتۋگە جاتپايدى.
اعىمداعى جىلعى 9 ايدا ۇقك 30 حالىقارالىق جانە اۋماقتىق ەسىرتكى ارنالارىنىڭ، سونداي-اق 29 ەسىرتكى وندىرەتىن زەرتحانالار ىس-ارەكەتىنىڭ جولىن كەستى.
جالپى العاندا زاڭسىز اينالىمنان شامامەن 1 تونناعا جۋىق سينتەتيكالىق ەسىرتكى جانە 76 توننادان استام پرەكۋرسورلار تاركىلەندى.