الماتىنىڭ المالى اۋدانىندا 1979 جىلى پايدالانۋعا بەرىلگەن قۇبىر اۋىستىرىلىپ جاتىر
الماتىدا گوگول كوشەسىنىڭ سولتۇستىگىندە، اۋەزوۆ جانە روزىباكييەۆ كوشەلەرى اراسىنداعى ونەركاسىپتىك ايماقتا ورنالاسقان قۇبىر اۋىستىرىلادى. قۇبىر 1979 جىلى پايدالانۋعا بەرىلگەن، دەپ حابارلايدى aqshamnews.kz «الماتى جىلۋ جۇيەسى» جشس-نە سىلتەمە جاساپ.
جالپى ۇزىندىعى 1،2 شاقىرىم بولاتىن جىلۋ تراسساسى قالاداعى 120-دان استام نىساندى جىلۋمەن قامتاماسىز ەتەدى.
المالى جانە جەتىسۋ اۋداندارىنىڭ تۇرعىندارىن جازعى ماۋسىمدا تۇراقتى ىستىق سۋمەن قامتاماسىز ەتۋ ءۇشىن ۋاقىتشا قۇبىر جەلىسى تارتىلادى.
ۋاقىتشا قۇبىر جەلىسىن قوسۋ ءۇشىن 2025 جىلعى 2 مامىردا ساعات 9:00-دەن 17:00-گە دەيىن تولە بي – كاريموۆ – رىسقۇلوۆ – چوكين كوشەلەرىنىڭ اۋماعىنداعى بىرنەشە تۇرعىن جانە باسقا دا عيماراتتارعا ىستىق سۋ بەرۋ شەكتەلەدى.
جالپى، بيىل قالا بويىنشا 39 كم جىلۋ جەلىسىن رەكونسترۋكسيالاۋ جوسپارلانعان. بۇل توزۋ دەڭگەيىن 54%-عا دەيىن تومەندەتۋگە مۇمكىندىك بەرەدى.
ۋاقىتشا قولايسىزدىقتارعا تۇسىنىستىكپەن قاراۋىڭىزدى سۇرايمىز.