ۇستالعاندار كوشەدە ءوتىپ بارا جاتقانداردى قورقىتىپ-ۇركىتۋمەن توناپ كەلگەن
الماتىدا پوليسيا كىسى توناۋمەن اينالىسقان ءتورت جىگىت ۇستالدى، دەپ حابارلايدى Almaty-akshamy.kz
قاسكويلەر قالانىڭ ورتالىق بولىگىندە ارەكەت ەتكەن. ياعني، كەشكىسىن كوشەدە كەتىپ بارا جاتقان تۇرعىنداردى قورقىتىپ-ۇركىتىپ، جەكە مۇلكىن تارتىپ الاتىن بولعان. جابىرلەنۋشىلەر ولاردىڭ ۇستىنەن پوليسياعا ارىز جازدى. وسىلايشا جەڭىل جولمەن مول بايلىققا كەنەلمەك بولعاندار ۇستالدى. المالى اۋداندىق پوليسيا باسقارماسى باستىعىنىڭ ورىنباسارى ۆلاديمير رەشەتنيكوۆتىڭ مالىمەتىنشە، تەرگەۋ امالدارى كەزىندە ولار ءوز ىستەرىن مويىندادى. ءبىرقاتار ەپيزود بويىنشا زاتتاي ايعاقتار تاركىلەندى جانە ق ر قك-نىڭ 191-بابى 2-بولىگىنە سايكەس تەرگەلگەن قىلمىستىق ءىس ماتەريالدارىنا قوسا بەرىلدى.
ايتا كەتەيىك، بۇرىن ۇستالعان تورتەۋدىڭ ەشقايسىسىنىڭ دا زاڭعا قايشى ارەكەت جاساماعانى انىقتالدى. ولاردىڭ بارلىعى جامبىل وبلىسىنىڭ تۋمالارى جانە ەش جەردە جۇمىس ىستەمەيدى.