قالادا 119 ۆاكسينالاۋ پۋنكتى جۇمىس ىستەيدى.
الماتى قالاسىندا ءبىر تاۋلىكتە 2 695 ادام كوروناۆيرۋسقا قارسى ۆاكسينا سالدىردى. بۇل تۋرالى قالالىق قوعامدىق دەنساۋلىق ساقتاۋ باسقارماسى ءمالىم ەتتى، دەپ حابارلايدى Almaty-akshamy.kz.
«3 اقپان كۇنى 2 695 الماتىلىق ۆاكسينا سالدىردى. ۆاكسينا سالدىرعاندار سانى بويىنشا الماتى قالاسى الدىڭعى ورىندا. وتكەن جىلدىڭ 1 اقپانى مەن بيىلعى 3 اقپان ارالىعىندا قالادا 1 074 642 تۇرعىن ۆاكسينانىڭ ءبىرىنشى كومپونەنتىن، 1 035 787 ادام ەكىنشى كومپونەنتىن سالدىرعان. ونىڭ ىشىندە 124 174 ادامنىڭ جاسى 60-تان اسقان»، - دەلىنگەن قالالىق قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتىنىڭ حابارلاماسىندا.
بۇگىنگى تاڭدا Pfizer (Comirnaty) كومپانياسىنىڭ ەكپەسىن 44 720 ادام سالدىردى. ونىڭ ىشىندە 2 323 جۇكتى ايەل، 9 838 بالا ەمىزەتىن انا جانە 32 569 ءجاسوسپىرىم بار.
«بۇگىنگى تاڭدا قالادا مەديسينالىق ۇيىمداردا 119 ۆاكسينالاۋ پۋنكتى جۇمىس ىستەيدى. 140 ۆاكسينالاۋ بريگاداسىندا 520 مەديسينا قىزمەتكەرى جۇمىلدىرىلعان»، - دەپ اتاپ ءوتتى باسقارما ماماندارى.