ءداستۇر بويىنشا الماتى قالالىق پد-دا دەپارتامەنت باستىعى ارىستانعاني زاپپاروۆتىڭ قاتىسۋىمەن سالتاناتتى شەن تابىستاۋ ءراسىمى ءوتتى.
قالاداعى ءتارتىپتى تاۋلىك بويى قامتاماسىز ەتەتىن وفيسەرلەر قاتارىنا جاس جىگىتتەر مەن قىزدار قوسىلدى: 30 ءتارتىپ ساقشىسى لەيتەنانت شەنىن الدى، دەپ حابارلايدى Almaty-akshamy.kz.
«ازاماتتاردىڭ قاۋىپسىزدىگىن قامتاماسىز ەتۋ، العى شەپتە قىلمىسپەن كۇرەس جۇرگىزۋ مىندەتى سىزدەرگە ارتىلادى. ءارقايسىڭىز جۇرەگىڭىزدىڭ ۇنىمەن، جانىڭىزدىڭ قالاۋىمەن قازاق پوليسياسىنىڭ قاتارىن تولىقتىردىڭىزدار. انتتارىڭىزعا، حالقىڭىزعا ادال بولىڭىزدار! سىزدەردى ومىرلەرىڭىزدەگى ايتۋلى كۇنمەن شىن جۇرەكتەن قۇتتىقتايمىن، قۇرمەتتى ارىپتەستەر»، – دەدى ارىستانعاني زاپپاروۆ.