الماتى قالاسىندا سۋ قۇبىرى جەلىلەرىن جانە سۋ نىساندارىن قايتا قۇرۋ جۇمىستارى جالعاسىپ جاتىر.
بۇل جۇمىستار سۋ قۇبىرى جۇيەسىنىڭ سەنىمدىلىگى مەن تۇراقتىلىعىن ارتتىرۋعا باعىتتالعان. وسى جۇمىستار اياسىندا «الماتى سۋ» مكك تەحنولوگيالىق جابدىقتاردى اۋىستىرۋدى جانە جاڭا ينجەنەرلىك جەلىلەردى ىسكە قوسۋدى جۇرگىزىپ جاتىر.
2025 جىلعى 27 تامىزدا ساعات 09:00-دەن 17:00-گە دەيىن جاڭا سۋ قۇبىرىن جەلىگە قوسۋ جۇمىستارى بارىسىندا سۋىق سۋدىڭ بەرىلۋى ۋاقىتشا توقتاتىلادى. شەكتەۋ بوستاندىق اۋدانىنداعى كەلەسى كوشە شەڭبەرىندە ورنالاسقان تۇرعىن ۇيلەر مەن اكىمشىلىك عيماراتتارعا قاتىستى: تيميريازيەۆ كوشەسى – سىپاتايەۆ كوشەسى – اۋەزوۆ كوشەسى – اباي داڭعىلى، «اتاكەنت» ءقىىو اۋماعى.
جۇمىستار جۇرگىزىلگەن كەزەڭدە اۋەزوۆ كوشەسى بويىندا سۋ قىسىمىنىڭ تومەندەۋى كۇتىلەدى.
28 تامىزدا ساعات 09:00-دەن 20:00-گە دەيىن جاڭا سۇزگى ستانسياسىن سالۋ اياسىندا تەحنولوگيالىق جۇمىستار جۇرگىزىلەدى. وسى كەزەڭدە ۋاقىتشا سۋ بەرۋ: اقجار شاعىناۋدانى (اقساي سۇزگى ستانسياسىنىڭ ىقپال ەتۋ ايماعى)، تاستىبۇلاق، تاۋجولى شاعىن اۋداندارىندا توقتاتىلادى.
«الماتى سۋ» مكك كەلتىرىلگەن ۋاقىتشا قولايسىزدىقتار ءۇشىن كەشىرىم سۇرايدى جانە تەحنيكالىق جۇمىستاردى جۇرگىزۋ قاجەتتىلىگىنە بايلانىستى ەنگىزىلگەن شەكتەۋلەرگە تۇسىنىستىكپەن قاراۋدى وتىنەدى.