مەملەكەتتىك زەينەتاقى تولەۋ ورتالىعىنىڭ 2025 جىلى قازان ايىنداعى دەرەگىنشە، الماتىدا 259 614 زەينەتكەر تۇرادى.
سونىمەن بىرگە قالادا 42 056 كوپبالالى وتباسى بار، ولاردىڭ ىشىندە «التىن القا» جانە «كۇمىس القا» القامەن ماراپاتتالعان 6 488 انا بار. بۇل تۋرالى الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسى حابارلادى.
باسقارما ماماندارى بيىلعى توعىز اي ىشىندە اتقارىلعان جۇمىستار تۋرالى مالىمەت ۇسىندى. وسى كەزەڭدە قالاداعى 14 «بەلسەندى ۇزاق ءومىر ءسۇرۋ» ورتالىعىنا 8 235 ادام جۇگىنگەن، ولارعا جالپى 455،3 مىڭ قىزمەت كورسەتىلدى. سونىمەن قاتار مەملەكەتتىك «بەلسەندى ۇزاق ءومىر ءسۇرۋ» ورتالىعى جۇمىس ىستەيدى. ونىڭ بوستاندىق اۋدانىندا ەكى جانە مەدەۋ اۋدانىندا ءبىر بولىمشەسى بار. اتالعان ورتالىقتارعا كۇن سايىن 569 زەينەتكەر بارادى، ال بيىل 24 153 ازاماتقا 333،1 مىڭ قىزمەت كورسەتىلگەن.
وتباسى ينستيتۋتىن قولداۋ باعىتىندا «باقىتتى وتباسى» وتباسىن قولداۋ ورتالىعىنىڭ دا جۇمىسى جالعاسىپ تاۋىپ وتىر. قازىرگى ۋاقىتتا بۇل ورتالىقتا 11 336 ادام تىركەلگەن. 41،9 مىڭ ادام اقپاراتتىق-رەسۋرستىق قولداۋ العان، 6،1 مىڭ ادامعا قۇقىقتىق جانە ادىستەمەلىك كەڭەس بەرىلگەن، 2،7 مىڭ ادام وقىتۋ باعدارلامالارى مەن ترەنينگتەرگە قاتىسقان، 237 ادام جۇمىسپەن قامتىلعان، ال 45 ادامعا 400 اەك-كە دەيىنگى گرانتتار بەرىلگەن.
2025 جىلى قاڭتاردان باستاپ الماتىدا ومىرلىك قيىن جاعدايدا قالعان وتباسىلارعا كەشەندى كومەك كورسەتەتىن وتباسىن قولداۋ ورتالىعى جۇمىس ىستەيدى. جىل ىشىندە ورتالىققا 956 ادام تىركەلىپ، 2،8 مىڭ ازامات قولداۋ العان. 439 ادامعا پسيحولوگيالىق كومەك، 242 ادامعا قۇقىقتىق كەڭەس كورسەتىلدى، 118 رەت ءموبيلدى توپتاردىڭ شىعۋى ۇيىمداستىرىلدى، 989 جەكە جۇمىس جوسپارى ازىرلەندى.
بالالارعا باعىتتالعان «شىڭعا ورلەۋ» الەۋمەتتىك كلۋبى جوباسى بويىنشا قالادا 16 بولىمشە جۇمىس ىستەيدى. از قامتىلعان وتباسىدان شىققان 2 947 بالا وسى باعدارلاما اياسىندا ءبىلىم الىپ ءجۇر. 298 پەداگوگ ءدارىس بەرەدى، ونىڭ 228ء-ى – حالىقتىڭ الەۋمەتتىك وسال توبى (ءحاوت) ساناتىنا جاتاتىن ماماندار.
«تاۋەلسىز ءومىر مەكتەبى» جوباسىمەن 432 ادام قامتىلعان. وتباسىلار مەن بالالاردى قولداۋعا باعىتتالعان «جارقىن ءومىر»، «جاڭا ءومىر» جانە Isker isi الەۋمەتتىك باستامالارى جۇزەگە اسىرىلۋدا.
الماتىدا «يپپوتەراپيا – بەيىمدەلگەن ات سپورتى» جوباسى دا جۇزەگە اسىرىلىپ جاتىر. جوباعا 50 ەرەكشە قاجەتتىلىگى بار بالا قاتىسىپ وتىر. سونىمەن بىرگە قالالىق الەۋمەتتىك ينتەگراسيا ورتالىعىندا ارت-تەراپيا، تەاتر-تەراپيا جانە مۋزىكا-تەراپيا باعدارلامالارىنا جۇزدەگەن تۇرعىن قاتىسادى.