مەگاپوليس اكىمى باقىتجان ساعىنتايەۆ ەلىمىزدىڭ ەڭ ءىرى قالاسىنداعى مەكتەپ تاپشىلىعىن ازايتۋ ماسەلەسىن شەشۋ تۋرالى ايتتى، دەپ حابارلايدى almaty-akshamy.kz
الماتى اكىمى ءوزىنىڭ Instagram-داعى اككاۋنتىندا مەكتەپ قۇرىلىسىنا ەرەكشە كوڭىل بولىنەتىنىن، سەبەبى بالالار سانى جىل سايىن ارتىپ كەلە جاتقانىن باسا ايتتى. مەگاپوليستە ءومىر ءسۇرۋ جاعدايىنىڭ جاقسارۋىنان كەيىن دەموگرافيالىق كورسەتكىشتەر دە وسۋدە. ءبىرىنشى سىنىپتارعا بيىل 30 مىڭنان استام بالا باردى.
«قالادا مەكتەپ قۇرىلىسى قارقىن الدى. الاتاۋ، ناۋرىزباي مەن تۇركسىب اۋداندارىندا 12 600 ورىندى 8 مەملەكەتتىك مەكتەپ بوي كوتەرۋدە. سونىڭ ىشىندە ءۇش مەكتەپ جىل سوڭىندا اشىلادى»، - دەپ جازدى باقىتجان ساعىنتايەۆ.
سىيىمدىلىعى 8 مىڭنان اساتىن جۇمىس ىستەپ تۇرعان مەكتەپكە جاپسارلاي سالىنىپ جاتقان 17 كورپۋستىڭ 3ء-ۋى وقۋ جىلىنىڭ باسىندا اشىلدى. جۋىردا تاعى 6 عيمارات پايدالانۋعا بەرىلەدى. قالعان 8ء-ى بيىل قاراشا ايىنىڭ سوڭىنا دەيىن بىتەدى.
جاڭا مەكتەپتەردىڭ قۇرىلىسىنا جەكە ينۆەستورلار دا بەلسەندىلىك تانىتۋدا. جاڭا وقۋ جىلىندا قالادا 11 مەكتەپ اشىلدى. ءبىرقاتار جوبا جۇزەگە اسىرىلۋدا.
«ناتيجەسىندە 36 ءبىلىم بەرۋ نىسانىنىڭ اشىلۋى مەكتەپتەگى ورىن تاپشىلىعىن 23،3 مىڭنان استام وقۋشىعا ازايتپاق. مەملەكەت باسشىسىنىڭ تاپسىرماسىنا سايكەس، جۇمىس جالعاسىن تاۋىپ، مەكتەپ قۇرىلىسى جەدەلدەتىلمەك»، - دەپ اتاپ ءوتتى الماتى اكىمى باقىتجان ساعىنتايەۆ.
حابارلانعانداي، جاڭا وقۋ جىلىندا قالاداعى 287 مەكتەپ 300 مىڭعا جۋىق وقۋشىعا ەسىگىن ايقارا اشتى.