الماتى قالاسىنىڭ ءماسليحاتى «الماتى قالاسىنىڭ تۇرعىن ءۇيىن 2030 جىلعا دەيىن رەنوۆاسيالاۋ باعدارلاماسىن» قابىلدادى، ونىڭ ماقساتى قالا تۇرعىندارىنىڭ ءومىر ءسۇرۋ جاعدايلارىن جاقسارتۋ، قالالىق ورتانى جاڭارتۋ جانە اپاتتى تۇرعىن ءۇي قورىنىڭ ۇلعايۋىنا جول بەرمەۋ بولىپ تابىلادى.
باعدارلاما اكىمشىسى بولىپ «الماتى الەۋمەتتىك-كاسىپكەرلىك كورپوراسياسى» اق (اكك)، ال ۋاكىلەتتى ۇيىم بولىپ «الماتى قالاسى اكىمدىگىنىڭ كۇردەلى قۇرىلىس كاسىپورنى» ج ش س (كقك) تاعايىندالدى، دەپ حابارلايدى aqshamnews.kz.
باعدارلاما 1930-1980 جىلدار ارالىعىندا سالىنعان ەكى قاباتقا دەيىنگى توزىعى جەتكەن كوپپاتەرلى ۇيلەردى، سونداي-اق اۋماق پەن ينفراقۇرىلىمدى جاڭارتۋدى تالاپ ەتەتىن جەكە تۇرعىن ۇيلەردى، ونەركاسىپتىك، كوممەرسيالىق جانە وزگە دە وبەكتىلەردى قامتيدى. ونى ىسكە اسىرۋ الماتىنىڭ 2040 جىلعا دەيىنگى باس جوسپارىنا سايكەس، قۇرىلىس سالۋدىڭ تىعىزدىعىن، الەۋمەتتىك، ينجەنەرلىك جانە كولىك ينفراقۇرىلىمىنىڭ قولجەتىمدىلىگىن، سونداي-اق قاۋىپسىزدىك پەن ەستەتيكانىڭ زاماناۋي تالاپتارىن ەسكەرە وتىرىپ، تۇرعىن اۋماقتاردى دامىتۋدى كوزدەيتىن بولادى.
جاڭا باعدارلامانىڭ باستى ەرەكشەلىكتەرىنىڭ ءبىرى تۇرعىن ءۇي يەلەرىنىڭ قۇقىقتارىن قورعاۋ تەتىكتەرىن ەنگىزۋ جانە تۇرعىندارمەن ءارى جۇرتشىلىقپەن ءوزارا ءىس-قيمىلدى جاقسارتۋ بولدى.
رەنوۆاسيا باعدارلاماسى وبەكتىلەرىنىڭ ءتىزىمى ءۇش ساناتقا بولىنگەن:
1. ينۆەستيسيالىق تارتىمسىز (1-سانات):
· قىزىل سىزىقتاردا ورنالاسقان نەمەسە ينجەنەرلىك ينفراقۇرىلىمدى، الەۋمەتتىك نەمەسە وزگە دە وبەكتىلەردى سالۋعا ارنالعان وبەكتىلەر.
· مۇنداي عيماراتتاردى ساتىپ الۋدى جانە بۇزۋدى جەر زاڭناماسىنىڭ نورمالارىنا سايكەس قالا اكىمدىگى جۇرگىزەدى.
1. ينۆەستيسيالىق تارتىمسىز (2-سانات):
قالا ءۇشىن باسىم تۇرعىن، ءالەۋمەتتىك جانە كوممەرسيالىق عيماراتتار سالۋعا ارنالعان وبەكتىلەر.
· تۇرعىنداردى كوشىرۋ جانە ۋچاسكەلەردى بوساتۋ كقك-نى قامتاماسىز ەتەدى، ينۆەستورلارعا جەردى نارىقتىق قۇنى بويىنشا ساتۋ كوزدەلەدى.
2. ينۆەستيسييالىق تارتىمدى (3-سانات):
· كەشەندى جاڭارتۋدى قاجەت ەتەتىن كۆارتالدار، پوليورتالىقتار نەمەسە ونەركاسىپتىك اۋماقتار شەگىندە ورنالاسقان وبەكتىلەر.
· تۇرعىنداردى كوشىرۋ جانە وسىنداي وبەكتىلەردى بۇزۋدى ينۆەستورلار قارجىلاندىرىلاتىن بولادى.
ەسكى تۇرعىن ءۇي يەلەرى ءۇشىن وتەماقىنىڭ ءۇش نۇسقاسى قاراستىرىلعان:
1. ايىرباستاۋ شارتى: تۇرعىنداردىڭ سانىنا قاراماستان، "بولمە ءۇشىن بولمە" قاعيداتى بويىنشا ەسكى تۇرعىن ءۇيدى جاڭاسىنا ايىرباستاۋ.
2. مەنشىككە بەرۋ شارتى: بالامالى تۇرعىن ءۇي جاڭا ءۇي تاپسىرىلعاننان كەيىن بەرىلەدى. بۇعان دەيىن تۇرعىندار ۋاقىتشا باسپانامەن قامتاماسىز ەتىلەدى.
3. ساتىپ الۋ-ساتۋ شارتى: تاۋەلسىز باعالاۋ كومپانياسى انىقتاعان نارىقتىق قۇنى بويىنشا تۇرعىن ءۇيدى ساتىپ الۋ.
عيماراتتاردى كوشىرۋ جانە بۇزۋ بارلىق مەنشىك يەلەرىنىڭ كەلىسىمىمەن عانا جۇزەگە اسىرىلادى. ەرەكشە قاجەتتىلىكتەرى بار ازاماتتار ءۇشىن ءبىرىنشى قاباتتارعا نەمەسە ليفتتەرمەن، پاندۋستارمەن جانە كەدەرگىسىز كىرۋمەن جابدىقتالعان ۇيلەرگە كوشۋ شارتتارى كوزدەلگەن. مەگاپوليس تۇرعىندارىنىڭ قاۋىپسىزدىگىن قامتاماسىز ەتەتىن تەكتونيكالىق اقاۋلاردا ورنالاسقان قاڭقالى-قامىستى ۇيلەر مەن عيماراتتاردى بۇزۋعا باسا نازار اۋدارىلادى.
2030 جىلعا دەيىن كەم دەگەندە 676 ەسكى ءۇيدى جاڭارتۋ جوسپارلانۋدا، بۇل 7500-گە جۋىق مەنشىك يەسىن زاماناۋي اباتتاندىرىلعان پاتەرلەرگە كوشىرۋگە مۇمكىندىك بەرەدى.
باعدارلاما اياسىندا ساراپشىلار مەن قوعامدىق ۇيىمداردان باستاپ ۋاكىلەتتى مەملەكەتتىك ۆەدومستۆولارعا دەيىنگى بارلىق رەنوۆاسياعا قاتىسۋشىلاردىڭ ءوزارا ءىس – قيمىلىن ۇيلەستىرەتىن رەنوۆاسيا ءوفيسى (جوبالاۋ توبى) قۇرىلدى.
رەنوۆاسيا باعدارلاماسى-الماتى قالاسىن جايلى، تۇراقتى جانە يننوۆاسيالىق مەگاپوليسكە اينالدىرۋعا باعىتتالعان ستراتەگيالىق دامۋ جوسپارىنىڭ نەگىزگى ەلەمەنتتەرىنىڭ ءبىرى. بۇل باعدارلامانى تابىستى ىسكە اسىرۋ ساپالى قالالىق ورتانى قالىپتاستىرۋدى، قالا تۇرعىندارىنىڭ ءومىر ءسۇرۋ دەڭگەيىن جاقسارتۋدى جانە ينۆەستورلاردى تارتۋ ءۇشىن قولايلى كليمات قۇرۋدى قامتاماسىز ەتەدى.