الماتىدا يننوۆاسيالىق شىعارماشىلىق ورتالىقتار مەن يننوۆاسيالىق كوللەدج قۇرىلىسىنىڭا بيۋدجەتى بەكىتىلدى.
الماتىدا بيىل ءتورت يننوۆاسيالىق شىعارماشىلىق ورتالىق اشىلعان ەدى، ەندى تاعى ەكەۋى سالىنادى، دەپ حابارلايدى aqshamnews.kz
ءتيىستى ءۇش جىلدىق بيۋدجەت الماتى ءماسليحاتىنىڭ سەسسياسىندا قابىلداندى.
بيىل الماتىدا قالانىڭ جاس تۇرعىندارىنىڭ الەۋەتىن دامىتۋعا مۇمكىندىك بەرەتىن 4 يننوۆاسيالىق شىعارماشىلىق جانە ينكليۋزيۆتى ءبىلىم بەرۋ ورتالىعى اشىلدى. ناتيجەسىندە الماتىلىق وقۋشىلار رەسپۋبليكالىق جانە 20 حالىقارالىق وليمپيادالاردا 64 التىن مەدال الدى.
بۇل باعىتتاعى جۇمىس 2025 جىلعا دەيىن جالعاسادى. وسىلايشا، بوستاندىق اۋدانىنداعى ۆاحتانگوۆ كوشەسى بويىنداعى دامۋ جانە شىعارماشىلىق ورتالىعىنىڭ قۇرىلىسى جالعاسادى جانە الاتاۋ اۋدانىنىڭ «سايالى» ش/ا دامۋ جانە شىعارماشىلىق ورتالىعىنىڭ قۇرىلىسى باستالادى.
بۇدان باسقا، كەلەسى جىلى العاباس-2 ش/ا يننوۆاسيالىق تەحنيكالىق كوللەدج، №2 گۋمانيتارلىق-پەداگوگيكالىق كوللەدج بەن جاتاقحاناسى بار تەلەكوممۋنيكاسيا جانە ماشينا جاساۋ كوللەدجىنىڭ عيماراتىنا قوسىمشا قۇرىلىس سالىناتىن بولادى.