قالانىڭ 2025-2027 جىلدارعا ارنالعان ءتيىستى بيۋدجەتى الماتى ءماسليحاتىنىڭ سەسسياسىندا قابىلداندى.
ەستەرىڭىزگە سالا كەتەيىك، الماتى قالاسىنىڭ «مەكتەپ اۆتوبۋسى» جوباسى قازاقستاندا العاش رەت 2023 جىلى الماتى اكىمى ەربولات دوسايەۆتىڭ تاپسىرماسى بويىنشا ىسكە قوسىلعان بولاتىن.
جوبانىڭ ەكىنشى كەزەڭى اياسىندا اعىمداعى جىلى وقۋشىلاردى تاسىمالداۋ ءۇشىن قوسىمشا 100 اۆتوبۋس ساتىپ الىندى. وسىلايشا، ءقازىر 200 اۆتوبۋس 51 مەكتەپتىڭ 9 مىڭنان استام وقۋشىسىن تاسىمالدايدى. كەلەسى جىلى الماتى اكىمدىگىنىڭ جوبالىق كەڭسەسىنىڭ قولداۋىمەن تاعى 100 اۆتوبۋس ساتىپ الۋ جوسپارلانۋدا.
اۆتوبۋستار شالعاي جانە جەتۋ قيىن اۋدانداردا تۇراتىن بالالار وقيتىن مەكتەپتەردەن وتىنىمدەر تۇسكەن سايىن مارشرۋتتارعا شىعادى. بۇعان باسىمدىق بەرىلەدى، سەبەبى مەكتەپ اۆتوبۋستارى وسىعان قاراي بولىنەدى. ءار مەكتەپ ءۇشىن وقۋشىلاردىڭ تاسىمالدانۋىن قامتاماسىز ەتۋ ءۇشىن ەگجەي-تەگجەيلى مارشرۋتتىق پاراقتار ازىرلەندى.