الماتى ءماسليحاتىنىڭ كەزەكتەن تىس سەسسياسى بارىسىندا دەپۋتاتتار مەگاپوليستىڭ ءۇش جىلدىق بيۋدجەتىن بەكىتتى.
وندا كولىك ينفراقۇرىلىمىنىڭ ءبىرقاتار جوبالارىن اياقتاۋعا قاراجات قاراستىرىلعان، دەپ حابارلايدى aqshamnews.kz
ماسەلەن، 2025 جىلى سەيفۋللين داڭعىلى - جانسۇگىروۆ كوشەسىنىڭ قيىلىسىنداعى جولايرىعىنىڭ قۇرىلىسىن اياقتاۋ جانە ساين كوشەسى رىسقۇلوۆ داڭعىلىنان اقىن سارا كوشەسىنە دەيىنگى، سونداي-اق اباي داڭعىلىن قالا شەكاراسىنا دەيىن ۇزارتۋ جۇمىستارىن اياقتاۋ جوسپارلانعان.
كەلەسى جىلدىڭ شىلدە ايىندا ساين كوشەسىن رىسقۇلوۆ داڭعىلىنان اقىن سارا كوشەسىنە دەيىن جالپى ۇزىندىعى 3،2 كم ۇزارتۋ اياقتالادى، سونىڭ ارقاسىندا مومىش ۇلى كوشەسىنەن كولىك جۇكتەمەسىنىڭ 40% - عا تومەندەۋى كۇتىلۋدە.
سونداي-اق مامىر ايىندا اباي داڭعىلىنىڭ ب.مومىش ۇلى كوشەسىنەن قالا شەكاراسىنا دەيىنگى ارالىعى پايدالانۋعا بەرىلەدى. ۇزارتۋدىڭ جالپى ۇزىندىعى 5،3 كم قۇرايدى، ەكى جاعىندا التى جولاقتى جول، ۆەلوجولدار مەن تروتۋارلار بار.
ماۋسىم ايىندا جانسۇگىروۆ كوشەسى مەن سەيفۋللين داڭعىلىنىڭ قيىلىسىنداعى جولايرىعىنىڭ ىرگەلەس اۋماعىن اباتتاندىرىلىپ، قۇرىلىستى تولىق اياقتاۋ جوسپارلانۋدا.
جوبا سەيفۋللين داڭعىلىندا كولىكتىڭ ۇزدىكسىز قوزعالىسىن قامتاماسىز ەتۋ ءۇشىن جالپى ۇزىندىعى 690 مەتر بولاتىن 2 توننەل سالۋدى كوزدەيدى. جانسۇگىروۆ كوشەسى بويىنشا كولىك قۇرالدارىنىڭ ءوتۋى جەر دەڭگەيىندە جۇزەگە اسىرىلاتىن بولادى. سونداي-اق 4 جەر ءۇستى جاياۋ جۇرگىنشىلەر وتكەلى، تروتۋارلار جانە كوگالداندىرۋ قاراستىرىلعان.
بۇگىنگى تاڭدا بارلىق سەزدەرگە اسفالتبەتون جابىنى توسەلدى، ءبىر جەر ءۇستى جاياۋ جۇرگىنشىلەر وتكەلى سالىندى، كارىز جانە بايلانىس جەلىلەرىن قايتا قۇرۋ جۇمىستارى جۇرگىزىلۋدە. سونىمەن قاتار، سەيفۋللين داڭعىلىنداعى «باتىس» جانە «شىعىس» توننەلدەرىنىڭ اسفالتبەتون جابىنىن توسەۋ جۇمىستارى اياقتالدى.
ايتا كەتۋ كەرەك،جولايرىعى پايدالانۋعا بەرىلگەننەن كەيىن جانسۇگىروۆ كوشەسىنىڭ وتكىزۋ قابىلەتى 15% - عا، سەيفۋللين داڭعىلىنىڭ وتكىزۋ قابىلەتى 20% - عا ارتادى دەپ كۇتىلۋدە.