2025 جىلى رەسپۋبليكالىق بيۋدجەتتەن الەۋمەتتىك مىندەتتەمەلەردى ورىنداۋعا 5،982 ترلن تەڭگە بولىنگەن. بۇل وتكەن جىلمەن سالىستىرعاندا 14%-عا ارتىق. بۇل تۋرالى الماتىدا وتكەن وڭىرلىك كوممۋنيكاسيالار قىزمەتىنىڭ بريفينگىندە ق ر ەڭبەك جانە حالىقتى الەۋمەتتىك قورعاۋ مينيسترلىگى حالىقتى الەۋمەتتىك قورعاۋ سالاسىنداعى رەتتەۋ جانە باقىلاۋ كوميتەتىنىڭ الماتى قالاسى بويىنشا دەپارتامەنتىنىڭ باسشىسى اسقار نيازوۆ مالىمدەدى، دەپ حابارلايدى aqshamnews.kz
ا. نيازوۆتىڭ ايتۋىنشا، بيۋدجەتتىڭ ەڭ كوپ بولىگى – 4،262 ترلن تەڭگە – زەينەتاقىمەن قامسىزداندىرۋعا باعىتتالعان. بۇل قاراجات رەسپۋبليكا بويىنشا شامامەن 2،5 ملن زەينەتكەردى قامتۋعا مۇمكىندىك بەرەدى. زەينەتكەرلەر سانى وتكەن جىلمەن سالىستىرعاندا 77،8 مىڭ ادامعا ارتقان.
سالىستىرۋ ءۇشىن، 2023 جىلى وسى ماقساتتارعا 3،752 ترلن تەڭگە بولىنگەن، ونىڭ ىشىندە 438،5 ملرد تەڭگە الماتىداعى 252،8 مىڭ زەينەتكەردىڭ تولەمىن قامتاماسىز ەتكەن.
زەينەتاقى مولشەرى قالاي وزگەردى؟
2025 جىلعى 1 قاڭتاردان باستاپ:
- ەڭ تومەنگى بازالىق زەينەتاقى 32 360 تەڭگەگە دەيىن وسەدى.
- ەڭ جوعارى بازالىق زەينەتاقى 50 851 تەڭگەگە دەيىن ۇلعايادى.
- ىنتىماقتى زەينەتاقى 8،5%-عا وسەدى، بۇل ينفلياسيا دەڭگەيىنەن 2%-عا جوعارى.
كوپبالالى وتباسىلارعا تولەمدەر قالاي ارتتى؟
بالالاردى قولداۋ ماقساتىندا تۋۋعا بايلانىستى ءبىرجولعى جاردەماقى كوبەيتىلدى:
- 4 جانە ودان كوپ بالا ءۇشىن اتا-انالار 232 596 تەڭگەنىڭ ورنىنا 247 716 تەڭگە الاتىن بولادى.
- ءتورت بالاسى بار وتباسىلار ءۇشىن اي سايىنعى تولەمدەر 63 030 تەڭگەگە دەيىن،
- ون بالاسى بار وتباسىلار ءۇشىن 157 280 تەڭگەگە دەيىن ۇلعايدى.
مۇگەدەكتىگى بار ادامداردى قولداۋ
مۇگەدەكتىگى بار ادامدارعا ارنالعان تولەمدەر دە ارتتى:
- I توپ ءۇشىن: 101 702 تەڭگە،
- II توپ ءۇشىن: 81 362 تەڭگە،
- III توپ ءۇشىن: 55 474 تەڭگە.
سونىمەن قاتار، الەۋمەتتىك تولەمدەردى الاتىن 2،3 ملن ادامعا كومەك كورسەتۋ ءۇشىن 720 ملرد تەڭگە قاراستىرىلعان.
الەۋمەتتىك شىعىستاردىڭ ۇلەسى
قورىتىندىلاي كەلە، اسقار نيازوۆ 2025 جىلى الەۋمەتتىك شىعىستار رەسپۋبليكالىق بيۋدجەتتىڭ 26%-ىن قۇرايتىنىن ايتتى. بارلىق الەۋمەتتىك مىندەتتەمەلەر ۋاقتىلى جانە تولىق كولەمدە ورىندالاتىنىنا سەندىردى.