الماتى ءماسليحاتىنىڭ كەزەكتەن تىس سەسسياسى بارىسىندا دەپۋتاتتاردىڭ قاراۋىنا 2024-2026 جىلدارعا ارنالعان بيۋدجەت جوباسى ۇسىنىلدى، دەپ حابارلايدى almaty-akshamy.kz
حالىق قالاۋلىلارىنىڭ الدىندا ءسوز العان قالا اكىمىنىڭ ورىنباسارى اسقار ءامرين 2024 جىلى جالپى ۇزىندىعى 170 كم-دەن اساتىن 12 سۋمەن جابدىقتاۋ نىساندارىنىڭ قۇرىلىسىن اياقتاۋ جوسپارلانعانىن ايتتى.
«وعان 3،5 ملرد. تەڭگە بولىنەدى. جەتىسۋ، الاتاۋ، ناۋرىزباي جانە تۇركسىب اۋداندارىنىڭ 50 مىڭنان استام تۇرعىنى قامتىلادى. المالى، اۋەزوۆ، مەدەۋ، جەتىسۋ جانە تۇركسىب اۋداندارىندا 278،8 كم سۋمەن قامتۋ جانە سۋ بۇرۋ جەلىلەرىن سالۋعا 3،1 ملرد. تەڭگە قاراستىرىلعان»، - دەدى ول.
اكىم ورىنباسارىنىڭ ايتۋىنشا، 2024 جىلى 1،1 ملرد.تەڭگە سوماسىنا 23 سۋمەن جابدىقتاۋ نىسانىنا جانە 4 ەلەكترمەن جابدىقتاۋ نىسانىنا جسق ازىرلەۋ اياقتالادى.
ەستەرىڭىزگە سالا كەتەيىك، 2024 جىلعا ارنالعان الماتى بيۋدجەتىنىڭ جوباسى 1،6 ترلن.استام. تەڭگە، بۇل رەتتە، قاراجاتتىڭ 68،4%-ى الەۋمەتتىك شىعىستارعا تيەسىلى.