الماتىنىڭ وڭىرلىك كوممۋنيكاسيالار قىزمەتىنىڭ بريفينگىندە جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى ب.جاۋباسوۆ 2024 جىلعى جۇمىس ناتيجەلەرىمەن تانىستىرىپ، بيىلعا ارنالعان جوسپارلارىمەن ءبولىستى، دەپ حابارلايدى aqshamnews.kz
وتكەن جىلى 286 مىڭنان استام مەملەكەتتىك قىزمەت كورسەتىلدى، ونىڭ 54%-ى «E-gov» پورتالى ارقىلى ۇسىنىلدى. الەۋمەتتىك مىندەتتەمەلەردى ورىنداۋعا 5 ملرد تەڭگە ءبولىندى، 2025 جىلى قارجىلاندىرۋ 30% - عا، 7،1 ملرد تەڭگەگە دەيىن ۇلعايتىلدى.
حالىقتى جۇمىسپەن قامتۋعا كەلەتىن بولساق، 2024 جىلى 84،7 مىڭ جۇمىس ورنى قۇرىلدى.
«2024 جىلى ەڭبەك ۇتقىرلىعى ورتالىعىنا جۇمىس ىزدەپ جۇرگەن 69 مىڭ تۇرعىن جۇگىندى، ونىڭ 50 مىڭى جۇمىسسىز مارتەبەسىن الدى. جۇمىسپەن قامتۋدىڭ بەلسەندى شارالارى اياسىندا جىل ىشىندە 56 مىڭ ادام قاتىستى، بۇل رەتتە 25،6 مىڭنان استام ادام تۇراقتى نەمەسە سۋبسيديالاناتىن جۇمىس ورىندارىنا ورنالاستىرىلدى»، — دەدى ب.جاۋباسوۆ.
حالىقتى جۇمىسپەن قامتۋدىڭ بەلسەندى شارالارىنىڭ ارقاسىندا الماتىدا جۇمىسسىزدىق دەڭگەيى 4،8% - دان 4،6% - عا دەيىن تومەندەدى. 2025 جىلى كەمىندە 76 مىڭ جۇمىس ورنىن، ونىڭ ىشىندە 67،5 مىڭ تۇراقتى جۇمىس ورنىن قۇرۋ جوسپارلانۋدا.
2024 جىلى الماتىدا زەينەتكەرلەردىڭ جالاقىسىن جەرگىلىكتى بيۋدجەتتەن ەڭ تومەنگى جالاقى مولشەرىندە سۋبسيديالاي وتىرىپ، ولاردى جۇمىسقا ورنالاستىرۋ ءۇشىن «التىن جاس» باعدارلاماسى ىسكە قوسىلدى. باعدارلاما 700-دەن استام ادامدى قامتىدى، 2025 جىلى 1000 زەينەتكەردى قولداۋ جوسپارلانۋدا.
سونىمەن قاتار، 2025 جىلدان 2030 جىلعا دەيىن ىسكە اسىرىلاتىن جانە ءبىرىنشى جىلى 300 ادامدى قامتيتىن جۇمىس ورنىندا مۇگەدەكتىگى بار ادامداردى الىپ ءجۇرۋ جانە بەيىمدەۋ ءۇشىن «JOBCOACH» جوباسى باستالدى.
اتاۋلى الەۋمەتتىك كومەك باعدارلاماسى 14 810 ادامدى قامتىپ، 1،6 ملرد تەڭگە تولەندى. ااك الۋشى وتباسىلاردان شىققان 4 727-دەن استام بالا تاماق جانە تۇرمىستىق حيميا ونىمدەرىن ساتىپ الۋعا 5 538 تەڭگە مولشەرىندە قوسىمشا تولەم الدى.
كوممۋنالدىق قىزمەتتەر تاريفتەرىنىڭ وسۋىنە بايلانىستى ازاماتتاردى قولداۋعا جەكە باعىتىنا كوڭىل ءبولىندى. «ءتاريفتى ينۆەستيسياعا ايىرباستاۋ» باعدارلاماسى اياسىندا 140 مىڭنان استام ازامات كوممۋنالدىق قىزمەتتەر ءۇشىن اي سايىنعى وتەماقى الدى، تولەمدەردىڭ جالپى سوماسى 4 ملرد تەڭگەنى قۇرادى.
8 620 ازاماتقا 20 اەك مولشەرىندە ءبىرجولعى كومەك، ال تابيعي اپاتتاردان زارداپ شەككەندەرگە 32،5 ملن تەڭگەگە قولداۋ كورسەتىلدى.
مۇگەدەكتىگى بار ادامداردى الەۋمەتتىك قولداۋ ماقساتىندا جەرگىلىكتى بيۋدجەتتەن 15 ملرد تەڭگەدەن استام قاراجات ءبولىندى. 41 مىڭنان استام ادام قاجەتتى تەحنيكالىق قۇرالدارمەن جانە وڭالتۋ قىزمەتتەرىمەن قامتاماسىز ەتىلگەن، قوسىمشا 5 مىڭ ادام الەۋمەتتىك قىزمەتتەر پورتالى ارقىلى قامتاماسىز ەتۋدى كۇتۋدە.
مۇگەدەكتىگى بار ادامدارعا جانە ءجۇرىپ-تۇرۋى قيىن مۇگەدەكتىگى بار بالالارعا قوسىمشا «ينۆاتاكسي» قىزمەتتەرى ۇسىنىلادى، ول مەملەكەتتىك الەۋمەتتىك تاپسىرىس ارقىلى 100 اۆتوكولىكپەن جۇزەگە اسىرىلادى.
2023 جىلدىڭ شىلدەسىنەن باستاپ «ياندەكس تاكسي» تاكسي اگرەگاتورى ارقىلى قىزمەتتى ىسكە اسىرۋ بويىنشا پيلوتتىق جوبا ىسكە قوسىلدى، بۇل مۇقتاجداردى قامتۋدى 1،5 مىڭنان 2 مىڭعا دەيىن ۇلعايتۋعا مۇمكىندىك بەردى. بۇل رەتتە، اعىمداعى جىلى ينۆاتاكسي قىزمەتتەرىن كورسەتۋگە قارجىلاندىرۋ ۇلعايتىلدى، بۇل اۆتوماشينالار پاركىن 130 بىرلىككە دەيىن ۇلعايتۋعا مۇمكىندىك بەرەدى جانە 2،5 مىڭعا دەيىن مۇگەدەكتىگى بار ادامداردى قامتۋدى قامتاماسىز ەتەدى، - دەپ اتاپ ءوتتى وكق سپيكەرى.
سونداي-اق، قولجەتىمدىلىك تۇرعىسىنان قالالىق ينفراقۇرىلىمدى پاسپورتتاۋعا ەرەكشە نازار اۋدارىلادى. الماتى قالاسىن دامىتۋدىڭ 2025 جىلعا دەيىنگى باعدارلاماسى جانە 2030 جىلعا دەيىنگى ورتا مەرزىمدى پەرسپەكتيۆالار شەڭبەرىندە حالىقتىڭ از قوزعالاتىن توپتارى ءۇشىن ودان ءارى بەيىمدەلە وتىرىپ، قالانىڭ 55 مىڭ ينفراقۇرىلىم وبەكتىلەرىنە پاسپورتتاۋ جۇرگىزۋ جوسپارلانعان.
باسقارما جانىنان مۇگەدەك ادامدارعا، مۇگەدەك بالالارعا، زەينەتكەرلەرگە، ومىرلىك قيىن جاعدايعا تاپ بولعان ادامدارعا ارناۋلى الەۋمەتتىك قىزمەتتەردىڭ كەپىلدەندىرىلگەن كولەمىن كورسەتەتىن 10 مەديسينالىق-الەۋمەتتىك مەكەمە جۇمىس ىستەيدى. سونداي-اق ونداعان مىڭ تۇرعىندى قامتىعان بەلسەندى ۇزاق ءومىر ءسۇرۋ، وتباسىن قولداۋ جانە الەۋمەتتىك ينتەگراسيا ورتالىقتارى بار، سونداي-اق دامۋ كەمىستىگى بار بالالارعا ەرتە ارالاسۋ سياقتى بىرەگەي باعدارلامالار ىسكە قوسىلدى.