الماتىنىڭ كوممۋنالدىق ينفراقۇرىلىمدى دامىتۋ باسقارماسىنىڭ دەرەكتەرى بويىنشا قالادا 12 836 ليفت تىركەلگەن، ونىڭ ىشىندە 6 885 بىرلىكتەن استامى قالانىڭ تۇرعىن ءۇي قورىندا پايدالانىلادى، ونىڭ ىشىندە پايدالانۋ مەرزىمى 25 جىلدان اساتىن 180 ليفت بار.
تۇرعىنداردىڭ قاۋىپسىزدىگىن قامتاماسىز ەتۋ ماقساتىندا 2023 جىلى 86 كوپپاتەرلى تۇرعىن ۇيدە 155 بىرلىك ليفت جابدىعىن اۋىستىرۋ جوسپارلاندى. 2023 جىلدىڭ سوڭىندا جوسپار اسىرا ورىندالدى، جۇمىس قورىتىندىسى بويىنشا 109 ءۇيدىڭ 198 ليفت اۋىستىرىلدى.
ازاماتتاردىڭ جايلى تۇرۋى ءۇشىن تۇرعىن ءۇي جاعدايلارىن جاقسارتۋعا باعىتتالعان تكش جاڭعىرتۋدىڭ مەملەكەتتىك باعدارلاماسى اياسىندا 2023 جىلى «الماتى تۇرعىن ءۇي» ۋاكىلەتتى ۇيىمى 95 كوپپاتەرلى تۇرعىن ۇيگە كۇردەلى جوندەۋ جۇرگىزدى. 2024 جىلى 100 كوپپاتەرلى تۇرعىن ۇيدە كۇردەلى جوندەۋ جوسپارلانعان.
2011-2022 جىلدار ارالىعىندا «الماتى تۇرعىن ءۇي» ۋاكىلەتتى ۇيىمى 965 كوپپاتەرلى تۇرعىن ۇيدە جوندەۋ جۇمىستارىن جۇرگىزدى جانە 907 ۇيدە 1 935 ليفت اۋىستىرىلدى.
ەسكە سالساق، الماتىدا تكش جاڭعىرتۋدىڭ مەملەكەتتىك باعدارلاماسى جۇزەگە اسىرىلۋدا، ونىڭ اياسىندا تۇرعىندار ءۇيدى 8 جىلدان 15 جىلعا دەيىنگى مەرزىمگە قايتارىمدى نەگىزدە كۇردەلى جوندەۋدەن وتكىزە الادى. باعدارلاماعا قاتىسۋ ءۇشىن تۇرعىندار جالپى جينالىستا تۇرعىن ءۇيدى جوندەۋ تۋرالى شەشىم قابىلدايدى، سودان كەيىن باسقارۋ ورگانى حاتتاما مەن «الماتى تۇرعىن ءۇي» ج ش س باعدارلاماسىنىڭ وپەراتورىنا قاتىسۋعا ءوتىنىم بەرەدى.