«قازگيدرومەت» رمك قازاقستان ايماقتارىندا 2024 جىلعى 8 قاڭتاردا بولاتىن ءقاۋىپتى مەتەورولوگيالىق قۇبىلىستارعا بولجاۋ كونسۋلتاسياسىن جاريالادى.
قازاقستان اۋماعىندا اتموسفەرالىق فرونتتاردىڭ وتۋىمەن اۋا-رايىنىڭ تۇراقسىز سيپاتى ساقتالادى، جاۋىن-شاشىن جاۋادى، سولتۇستىگىندە كوبىنەسە قار بۇرقاسىنمەن، وڭتۇستىگىندە، وڭتۇستىك-شىعىسىندا نەگىزىنەن جاڭبىر تۇرىندە، سولتۇستىگىندە، اقمولا وبلىسىنىڭ وڭتۇستىگىندە، تۇندە قوستاناي وبلىسىنىڭ سولتۇستىگىندە قالىڭ قار بولجانادى. قازاقستان بويىنشا تۇمان، كوكتايعاق، ەكپىندى جەل كۇتىلەدى.
اباي وبلىسىنىڭ باسىم بولىگىندە وڭتۇستىك-شىعىستان سوعاتىن جەل وڭتۇستىك-باتىسقا اۋىسادى، وبلىستىڭ باتىسىندا، سولتۇستىگىندە، ورتالىعىندا كەي ۋاقىتتاردا كۇشى 30 م/س جانە ودان دا جوعارى جەل سوعادى دەپ كۇتىلۋدە.
كۇندىز جامبىل وبلىسىندا وڭتۇستىك-باتىستان جەل سوعادى، وبلىستىڭ وڭتۇستىك-باتىسىندا، تاۋلى اۋداندارىندا كەي ۋاقىتتاردا كۇشى 30 م/س جانە ودان دا جوعارى جەل سوعادى دەپ كۇتىلەدى.
سولتۇستىك قازاقستان وبلىسىندا وڭتۇستىك-باتىستان، باتىستان جەل سوعادى، تاڭەرتەڭ جانە كۇندىز وبلىستىڭ وڭتۇستىك-شىعىسىندا كۇشى 30 م/س جانە ودان دا جوعارى جەل سوعادى دەپ كۇتىلۋدە.
اقمولا وبلىسىندا وڭتۇستىك-باتىستان جەل سوعادى، كۇندىز وبلىستىڭ وڭتۇستىك-شىعىسىندا كەي ۋاقىتتاردا كۇشى 30 م/س جانە ودان دا جوعارى دەپ بولجانۋدا.