قالانىڭ سىرتقى كەلبەتىنە جانە اباتتاندىرۋعا نۇقسان كەلتىرەتىن، تروتۋارلار مەن جول ۋچاسكەلەرىن قوقىس تاستايتىن زاڭسىز ورناتىلعان ستاسيونارلىق ەمەس ساۋدا وبەكتىلەرىمەن (سسو) كۇرەسۋ ماقساتىندا قالا اكىمىنىڭ تاپسىرماسىمەن كاسىپكەرلىك جانە ينۆەستيسيالار باسقارماسى قاجەتتى شارالار قابىلداۋدا، دەپ حابارلايدى almaty-akshamy.kz
ەرىكتى ءسۇرۋدى جۇزەگە اسىرۋ ءۇشىن زاڭسىز سالىنعان ستاسيونارلىق ەمەس ساۋدا وبەكتىلەرى يەلەرىمەن ءتۇسىندىرۋ جۇمىستارى تۇراقتى نەگىزدە جۇرگىزىلۋدە. نىسان سۇرىلگەن سوڭ اۋدان اكىمدىكتەرىمەن بىرلەسىپ، زاڭسىز وبەكت ورناتىلعان اۋماق رەتكە كەلتىرەدى، قوقىستان تازارادى.
مونيتورينگ قورىتىندىسىنا وراي 2022 جىلى الماتى قالاسى بويىنشا جەر زاڭناماسىن، سانيتارلىق، قالا قۇرىلىسى جانە ءورت نورمالارىن بۇزعان 500-دەن استام زاڭسىز سالىنعان ستاسيونارلىق ەمەس ساۋدا وبەكتىلەرى انىقتالدى. بۇگىندە 101 نىسان ءسۇرىلدى، قالعاندارى اعىمداعى جىلدىڭ سوڭىنا دەيىن الىنىپ تاستالادى.
ەسكە سالساق، الماتى اكىمى ەربولات دوسايەۆتىڭ تاپسىرماسى بويىنشا بيىل العاش رەت "الماتى قالاسىنىڭ اۋماعىندا جانە قالا ماڭىنداعى ايماقتا ستاسيونارلىق ەمەس ساۋدا وبەكتىلەرىن ورناتۋ ەرەجەلەرى" قابىلداندى، وندا مۇنداي وبەكتىلەردى ورناتۋ ءتارتىبى ناقتى ايقىندالعان. ەرەجەلەرمەن https://adilet.zan.kz/rus/docs/V23R0001707 سىلتەمە ارقىلى تولىق تانىسۋعا بولادى
نىسانداردىڭ ستيحيالى ورنالاسۋلارىن بولدىرماۋ ءۇشىن قازىرگى ۋاقىتتا "ستاسيونارلىق ەمەس ساۋدا وبەكتىلەرىن ورنالاستىرۋ سىزباسىن" ازىرلەۋ اياقتالۋدا، ول بەكىتىلگەننەن كەيىن ولاردى ورناتۋعا بولاتىن ناقتى مەكەنجايلار انىقتالادى.