10 مىڭ شارشى مەتردەن استام جاتاقحانا جانە 2 313 جەكە تۇرعىن ءۇي سالىندى.
بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا الماتى قالاسى قالالىق جوسپارلاۋ جانە ۋربانيستيكا باسقارماسىنىڭ باسشىسى الماسحان احمەدجانوۆ مالىمدەدى، دەپ حابارلايدى Almaty-akshamy.kz
ول پاندەميانىڭ قيىن كەزەڭىندە پايدالانۋعا بەرىلەتىن تۇرعىن ءۇي كولەمى تومەندەپ قانا قويماي، ءتىپتى 8%-عا وسكەنىن ايتتى.
بۇعان باس ساۋلەتشى ايتقان باسقارمانىڭ مالىمەتتەرى دالەل بولا الادى. اعىمداعى جىلدىڭ 11 ايىندا كوممەرسيالىق قۇرىلىس ەسەبىنەن 13 322 پاتەر جانە بيۋدجەت ەسەبىنەن 1 326 پاتەر پايدالانۋعا بەرىلدى.
سونداي-اق، 10 مىڭ شارشى مەتردەن استام جاتاقحانا جانە 2 313 جەكە تۇرعىن ءۇي سالىندى.
ا. احمەدجانوۆ تۇرعىن ءۇيدىڭ قولجەتىمدىلىگىن ارتتىرۋ مەملەكەت باسشىسى قويعان باسىم مىندەتتەردىڭ ءبىرى ەكەنىن ەسكە سالدى. سوندىقتان الماتىدا پاندەميا كەزىندە تۇرعىن ءۇي قۇرىلىسىنىڭ ازايعانى داعدارىسقا قارسى شارالاردىڭ ۋاقتىلىعى مەن وزەكتىلىگىن كورسەتەدى.
سونداي-اق، ول جاڭا تۇرعىن ۇيلەر نەگىزىنەن قالاعا قوسىلعان اۋماقتاردا سالىناتىنىن، بۇل «جاڭا الماتىنىڭ» دامۋىنا ىقپال ەتەتىنىن حابارلادى.
باس ارحيتەكتور اتاپ وتكەندەي، جاڭا تۇرعىن ۇيمەن بىرگە قالادا الەۋمەتتىك ينفراقۇرىلىم قۇرىلىپ، مەكتەپتەر مەن بالاباقشالار سالىنۋدا. قازىرگى ۋاقىتتا مەگاپوليستە 12،5 مىڭنان استام وقۋشى ورنىنا ارنالعان سەگىز مەملەكەتتىك مەكتەپ سالىنۋدا. ونىڭ ۇشەۋىن (5 مىڭنان استام ورىنعا) جىل سوڭىنا دەيىن تاپسىرۋ جوسپارلانعان.
«وقۋ جىلىنىڭ باسىنان بەرى 2 656 ورىندى 13 جەكەمەنشىك مەكتەپ اشىلدى. جىل سوڭىنا دەيىن 8 263 ورىندى 17 جاپسارلاس قۇرىلىس سالۋ جوسپارلانعان بولاتىن. ولاردىڭ 11-ىنە بالالار پارتاعا وتىردى. وسىلايشا، جىل سوڭىنا دەيىن 16 مىڭنان استام جاڭا وقۋ ورنى اشىلادى»، - دەدى ا. احمەدجانوۆ.
سونىمەن قاتار، الماتىدا ءۇش مەملەكەتتىك بالاباقشانىڭ قۇرىلىسى اياقتالدى (360 ورىندى)، 72 جەكە بالاباقشا اشىلدى (4،7 مىڭ ورىندى).
قالا اكىمى باقىتجان ساعىنتايەۆ «الماتى – 2050» ستراتەگياسىندا بەلگىلەنگەن «شەتسىز قالا» قاعيداتىن ۇستانا وتىرىپ، تۇرعىن ءۇي شارشى مەترلەرىن زاماناۋي مەكتەپتەرمەن، بالاباقشالارمەن جانە دەنساۋلىق ساقتاۋ وبەكتىلەرىمەن بىرگە ەنگىزۋ مىندەتىن العا قويعان بولاتىن.