الماتى اكىمى ەربولات دوسايەۆ پەن SUS Environment كومپانياسىنىڭ پرەزيدەنتى لونگ سزيشەن قوقىس وڭدەۋ زاۋىتىن سالۋ پەرسپەكتيۆالارىن تالقىلادى
الماتى اكىمى ەربولات دوسايەۆ قىتايدىڭ جەتەكشى Shanghai SUS Environment Co.، Ltd. كومپانياسىنىڭ پرەزيدەنتى لونگ سزيشەنمەنن كەزدەستى، دەپ حابارلايدى aqshamnews.kz
Shanghai SU Environment Co.، Ltd. - ەكولوگيا جانە ەنەرگەتيكا سالاسىنداعى كەشەندى قىزمەتتەردىڭ الەمدىك باستى جەتكىزۋشىسى، قالدىقتاردى ەنەرگياعا قايتا وڭدەۋ سالاسىندا (Waste-to-Energy) قىتايداعى نارىق ۇلەسىنىڭ 40% - ىن قامتيدى
بۇگىنگى تاڭدا كومپانيا بۇكىل الەم بويىنشا جالپى وڭدەۋ قۋاتى تاۋلىگىنە 110 مىڭ توننا، جىل سايىن 18 ملرد كۆت/ساع ەلەكتر ەنەرگياسىن وندىرۋمەن جانە 2،65 ملن شارشى مەترگە دەيىنگى اۋماقتى جىلىتۋدى قامتاماسىز ەتۋمەن 84 جوبانى ىسكە اسىردى. گەنەراسيا تيىمدىلىگى 26%-دى قۇرايدى، بۇل ەڭ جاقسى حالىقارالىق ستاندارتتارعا سايكەس كەلەدى.
SUS Environment زاۋىتتارىنىڭ ايرىقشا ەرەكشەلىگى ەكولوگيالىق قاۋىپسىزدىكتىڭ جوعارى ستاندارتتارى بولىپ تابىلادى. كومپانيانىڭ كاسىپورىندارى زياندى شىعارىندىلاردى باقىلاۋدى قامتاماسىز ەتەتىن كوپ ساتىلى سۇزگىسى بار ءتۇتىن گازدارىن تازارتۋدىڭ وزىق جۇيەلەرىمەن جاراقتاندىرىلادى. نىسانداردىڭ اينالاسىندا ەكپەلەر، كوگالدار مەن اعاشتار بار جاسىل ايماقتار قۇرىلىپ، تولىققاندى ەكو-يندۋستريالدى پارك قۇرادى، بۇل كورشىلەس اۋدانداردىڭ تۇرعىندارى ءۇشىن ىڭعايسىزدىق دەڭگەيىن تومەندەتەدى جانە قولايلى ەكولوگيالىق ورتانى قالىپتاستىرادى.
كەزدەسۋ بارىسىندا الماتىدا 270 ملن.اقش دوللارى سوماسىنا تىكەلەي شەتەلدىك ينۆەستيسيالاردى تارتا وتىرىپ، قازىرگى زامانعى قوقىس وڭدەۋ زاۋىتىن سالۋ ماسەلەلەرى تالقىلاندى. زاۋىت تاۋلىگىنە 2000 تونناعا دەيىن قالدىقتاردى 60 مۆت-قا دەيىن ەلەكتر ەنەرگياسىن وندىرۋمەن قايتا وڭدەيتىن بولادى، بۇل الماتىنىڭ قتق كادەگە جاراتۋ قاجەتتىلىگىن جابادى جانە 2029 جىلعا قاراي قالدىقتاردى قايتا وڭدەۋ ۇلەسىن 80% - عا دەيىن جەتكىزۋگە مۇمكىندىك بەرەدى. قۇرىلىستى 2025 جىلدىڭ كۇزىندە باستاۋ جوسپارلانۋدا. قازىرگى ۋاقىتتا ق ر ۇكىمەتىمەن ينۆەستيسيالار تۋرالى كەلىسىمگە قول قويۋ ماسەلەسى پىسىقتالۋدا.
جوبانىڭ باس مەردىگەرى رەتىندە الەمنىڭ 110 ەلىندە ءىرى ينفراقۇرىلىمدىق جوبالاردى ىسكە اسىرۋ تاجىريبەسى بار China Railway Construction Corporation (CRCC) مەملەكەتتىك كورپوراسياسىنىڭ ەنشىلەس قۇرىلىمى — China Civil Engineering Construction Corporation انىقتالدى. قۇرىلىسقا سونىمەن قاتار SUS Environment كومپانياسىنىڭ جەكە زاۋىتتارىندا وندىرىلەتىن جابدىقتار، سونىڭ ىشىندە تورلى رەشەتكالار جانە باسقا دا نەگىزگى كومپونەنتتەر قاتىسادى.
الماتىدا زاۋىت سالۋ جونىندەگى جوبانى ىسكە اسىرۋدان باسقا، SUS Environment كومپانياسى كادرلار دايارلاۋ جونىندەگى وڭىرلىك وقۋ ورتالىعىن قۇرۋ جونىندە باستاما كوتەردى. ورتالىق ەكولوگيالىق قۇزىرەتتەردى دامىتۋعا جانە وزىق تەحنولوگيالاردى وڭىرگە بەرۋگە جاردەمدەسە وتىرىپ، قازاقستاننان، ورتالىق ازيا ەلدەرىنەن، موڭعوليادان، يراننان جانە اۋعانستاننان جاس مامانداردى وقىتۋعا باعدارلاناتىن بولادى.
جوبا الماتىنىڭ شانحايمەن ستراتەگيالىق ارىپتەستىگى اياسىندا جۇزەگە اسىرىلۋدا. جاڭا زاۋىت بۇكىل ورتالىق ازيادا ەلەكتر ەنەرگياسىن وندىرۋمەن قالدىقتاردى ەكولوگيالىق كادەگە جاراتۋ سالاسىندا فلاگمانعا اينالادى.