قازاقستان رەسپۋبليكاسى ۇكىمەتىنىڭ باسپا ءسوز ورتالىعىنىڭ الاڭىندا قارجى ۆيسە-مينيسترى ە. ءبىرجانوۆتىڭ، «اتامەكەن» ۇلتتىق كاسىپكەرلەر پالاتاسى باسقارما ءتوراعاسىنىڭ ورىنباسارى ت. جاركەنوۆتىڭ، ۇلتتىق بانكتىڭ تولەم جۇيەلەرى دەپارتامەنتى ديرەكتورىنىڭ مىندەتىن اتقارۋشى ا. مادياروۆانىڭ، سونداي-اق ەكىنشى دەڭگەيدەگى بانك وكىلدەرىنىڭ قاتىسۋىمەن ق ر جالپىعا بىردەي دەكلاراسيالاۋ جانە ءموبيلدى اۋدارىمدار تۋرالى ماسەلەلەردى ءتۇسىندىرۋ بويىنشا بريفينگ وتكىزىلدى، دەپ حابارلايدى almaty-akshamy.kz
بريفينگ بارىسىندا ە. ءبىرجانوۆ اتاپ وتكەندەي، ادال كاسىپكەرلەرگە الاڭدايتىن ەشتەڭە جوق.
مەملەكەتتىك كىرىستەر ورگاندارى بارلىق ءموبيلدى اۋدارىمداردى تەكسەرمەيدى. ءوز كىرىستەرىن جاسىراتىن نەمەسە جەكە شوتتارىنا قاتارىنان ءۇش اي ىشىندە اي سايىن 100 جانە ودان دا كوپ ءتۇرلى تۇلعالاردان ءموبيلدى اۋدارىمدار العان جەكە كاسىپكەر رەتىندە تىركەلمەگەن تۇلعالار عانا تەكسەرۋگە جاتادى.
تەك قولما-قول اقشاسىز ەسەپ ايىرىسۋ بويىنشا جۇمىس ىستەيتىن ادال كاسىپكەرلەر باقىلانبايدى. سونداي-اق، بيزنەستى جۇرگىزۋ جانە دامىتۋ ءۇشىن قولايلى جاعدايلار جاسالعان. سالىق رەجيمدەرىنىڭ ءتارتىبى جەڭىلدەتىلدى -سالىق ستاۆكالارى قىزمەت تۇرىنە بايلانىستى تەك 1% - دان 4% - عا دەيىن.
انىقتاما: بولشەك سالىق ءۇشىن قىزمەت تۇرلەرىنىڭ تىزبەسى 190-نان 364 تۇرگە كەڭەيتىلدى، جەكە تابىس سالىعىنىڭ مولشەرلەمەسى قاراعاندى جانە قىزىلوردا وبلىستارىندا 2% - عا، استانا قالاسى ءۇشىن 3% - عا دەيىن تومەندەتىلدى. وسىلايشا، بولشەك ساۋداگەرلەر، قىزمەت كورسەتەتىن كاسىپكەرلەر، مىسالى، شاشتارازدار وسى رەجيمدى قولدانا الادى. ءقازىر سالىق مىندەتتەمەلەرىن ادال ورىنداۋ الدەقايدا ءتيىمدى.
جازالاۋ ەمەس، ءتۇسىندىرۋ - سالىق ورگاندارىنىڭ بەرىك ۇستانىمى!
مەملەكەتتىك كىرىستەر كوميتەتى ءقازىر بۇقارالىق اقپارات قۇرالدارىندا دا، الەۋمەتتىك جەلىلەردە دە بەلسەندى ءتۇسىندىرۋ جۇمىستارىن جۇرگىزىپ جاتىر.
سونداي-اق، ازاماتتار قاجەتتى اقپاراتتى الۋ ءۇشىن مىنا رەسۋرستارعا حابارلاسا الادى:
- 1414 ءنومىرى بويىنشا بايلانىس ورتالىعىنا حابارلاسىپ، قاجەتتى اقپاراتتى الۋعا بولادى. بايلانىس ورتالىعى جاۋاپ بەرۋگە دايىن؛
- جالپىعا بىردەي دەكلاراسيالاۋ مەن ءموبيلدى اۋدارمالار بويىنشا سۇراقتاردى Telegram» مەسسەندجەرىندەگى چاتقا سۇراقتاردى جازىپ، جەدەل جاۋاپ الۋعا بولادى. چاتقا سىلتەمە: https://t.me/+68VtkWb1WIgxODky ؛
- مەملەكەتتىك كىرىستەر باسقارمالارىنىڭ ءارقايسىسىندا (رەسپۋبليكا بويىنشا 200-دەن استام) اقپاراتتىق قولداۋ كورسەتۋ ءۇشىن «كونسۋلتاتيۆتىك ورتالىقتار» بار.
سالىق تولەۋ ىڭعايلى جانە ءتيىمدى!
مەملەكەتتىك كىرىستەر ورگاندارى كاسىپكەرلەر ءۇشىن قولايلى زاڭدى تەتىكتەر ازەرلەگەن. سونىمەن قاتار، كولەڭكەدەن شىعىپ، زاڭدى جۇمىس جاساۋعا كوشۋگە دايىن كاسىپكەرلەرگە جاردەمدەسۋگە دايىن. اتاپ ايتقاندا، مىناداي قىزمەتتەر كورسەتىلەتىن بولادى:
- فيسكالدىق سۇيەمەلدەۋ، كاسىپكەرلەردى تىركەۋدىڭ العاشقى قادامدارىنان باستاپ، ءبىز ءقازىردىڭ وزىندە دەكلاراسيانى تولتىرۋ بويىنشا فۋنكسيالاردى ىسكە اسىردىق، وعان سالىق سومالارىن تولتىرۋعا جانە ەسەپتەۋگە ۋاقىت جۇمساۋدىڭ قاجەتى جوق؛
- سەرۆيستىك ءتاسىل، ققس بويىنشا شەكتى دەڭگەيگە جەتكەندىگى تۋرالى، بانكتىك قوسىمشادان سالىقتار مەن الەۋمەتتىك تولەمدەردى تولەۋ مۇمكىندىگى تۋرالى حابارلايتىن سەرۆيستەر ازىرلەندى؛
- بيزنەستى قولما-قول اقشاسىز تولەمدەرمەن جۇزەگە اسىراتىن شاعىن كاسىپكەرلەردە سالىقتىق تەكسەرۋلەردىڭ بولماۋى.
ودان بولەك، جاڭا سالىق كودەكسى شەڭبەرىندە كاسىپكەرلەر ءۇشىن ىنتالاندىرۋ شارالارى كوزدەلەتىن بولادى.
كاسىپكەرلەردى تەكسەرۋگە ءموراتورييدىڭ اياقتالۋى: جالپى تەكسەرۋلەر بولمايدى!
مەملەكەتتىك كىرىستەر ورگاندارى بارلىق ءموبيلدى اۋدارىمداردى تەكسەرمەيدى.
جەكە شوتتارىنا 100 جانە ودان دا كوپ ءار ءتۇرلى تۇلعالاردان ءموبيلدى اۋدارىمداردى اي سايىن، قاتارىنان ءۇش اي ىشىندە العان تۇلعالار (ماڭىزدى: 100-دەن كوپ اۋدارىمدار ەمەس، 100 جانە ودان دا كوپ ءار ءتۇرلى تۇلعالاردان تۇسكەن اۋدارىمدار) تەكسەرۋگە جاتادى.
قولدانىستاعى زاڭناماعا سايكەس بۇل كاسىپكەرلىك قىزمەتتىڭ بەلگىسى.
ماڭىزدى: ءار ءتۇرلى ومىرلىك جاعدايلاردا تۋىستارىنا، دوستارىنا جانە ارىپتەستەرىنە ءموبيلدى اۋدارىمدار جاساۋعا شەكتەۋلەر جوق.
سونداي-اق، ە. ءبىرجانوۆ وزەكتى سۇراقتارعا جاۋاپ بەردى.
ءموبيلدى اۋدارمالاردى تەكسەرۋ نە ءۇشىن قاجەت؟
- ءموبيلدى اۋدارمالاردى تەكسەرۋ زاڭسىز كاسىپكەرلىك قىزمەتتىڭ كولەڭكەسىنەن شىعۋعا باعىتتالعان.
كەيبىر كاسىپكەرلەر ساتىلعان تاۋار نەمەسە قىزمەت ءۇشىن تولەمدى ءموبيلدى اۋدارىمدار ارقىلى الادى. الايدا، بۇل اۋدارىمدار باقىلاۋ-كاسسالىق اپپاراتتاردى، POS-تەرمينالداردى جانە QR-كودتاردى قولدانباي جۇرگىزىلەدى. تيىسىنشە، چەكتەر بەرىلمەيدى جانە تۇتىنۋشىلاردىڭ قۇقىقتارى بۇزىلادى. تەكسەرۋ كريتەرييلەرىنە ءۇش اي قاتارىنان اي سايىن 100 جانە ودان دا كوپ ءتۇرلى تۇلعالاردان ءموبيلدى اۋدارىمدار العان تۇلعالار عانا جاتادى. ياعني كاسىپكەرلەرلىك قىزمەت بەلگىلەرى بولعان جاعدايدا عانا سۇراقتار تۋىندايدى.
ەگەر ساتۋشى قولما-قول اقشا تالاپ ەتسە شە؟
- «تولەمدەر جانە تولەم جۇيەلەرى تۋرالى» ق ر زاڭىنىڭ نورمالارىنا سايكەس تولەمنىڭ ءار ءتۇرلى تاسىلدەرى كوزدەلگەن – بانك كارتاسىمەن، QR-تولەممەن نەمەسە قولما-قول اقشامەن (25-باپ). قولما-قول اقشاسىز تولەمدەردى قابىلداۋدان باس تارتۋ زاڭسىز بولىپ تابىلادى جانە تۇتىنۋشىلاردىڭ قۇقىقتارىن بۇزادى. كاسىپكەرلەردىڭ تولەم كارتوچكالارىن پايدالانا وتىرىپ، تولەمدەردى قابىلداۋدان باس تارتقانى ءۇشىن اكىمشىلىك جاۋاپكەرشىلىك بار: العاشىندا - ەسكەرتۋ، قايتالاپ زاڭ بۇزعانى ءۇشىن – 147 680 تەڭگە (40 اەك) مولشەرىندە ايىپپۇل (اقبتك-نىڭ 194-بابى).