الماتىدا رەسپۋبليكالىق “ءجاسوسپىرىم” جەدەل الدىن الۋ ءىس-شاراسى باستالدى.
وسى جىلدىڭ 10 ءساۋىرى مەن 6 مامىرى ارالىعىندا الماتى قالاسىندا “ءجاسوسپىرىم” رەسپۋبليكالىق جەدەل الدىن الۋ ءىس-شاراسى وتۋدە، دەپ حابارلايدى aqshamnews.kz.
Polisia.kz مالىمەتىنشە، جەدەل الدىن الۋ ءىس-شاراسى وتكىزىلگەن العاشقى كۇننىڭ وزىندە 183 اكىمشىلىك قۇقىق بۇزۋشىلىق انىقتالدى. تۇنگى ۋاقىتتا 179 ءجاسوسپىرىم زاڭدى وكىلدەرىنىڭ ەرىپ ءجۇرۋىنسىز جۇرگەنى ءۇشىن قالا كوشەلەرىندە ۇستالدى. بالالاردىڭ تۇنگى ۋاقىتتا ۇيلەرىنەن تىس بولۋىنا جول بەرگەنى ءۇشىن 175 اتا-انا اكىمشىلىك جاۋاپكەرشىلىككە تارتىلدى.
سونداي-اق 22 اتا-انا بالا تاربيەسىندە ءوز مىندەتتەرىن ورىنداماعانى ءۇشىن جاۋاپقا تارتىلدى. كامەلەتكە تولماعان 4 بالا قيىن ومىرلىك جاعدايداعى بالالاردى قولداۋ ورتالىعىنا ورنالاستىرىلدى. بالا تاربيەسىمەن اينالىسپايتىن 6 اتا-انا جانە 4 ءجاسوسپىرىم ىشكى ىستەر ورگاندارىنىڭ ەسەبىنە قويىلدى. 40 ويىن-ساۋىق مەكەمەسى تەكسەرىلىپ، ونىڭ 8-ىندە كامەلەتكە تولماعانداردىڭ تۇنگى ۋاقىتتا بولعانى تىركەلىپ، يەلەرى جاۋاپقا تارتىلدى.
— بالالاردىڭ ىس-ارەكەتىنە جاۋاپكەرشىلىك ءبىرىنشى كەزەكتە اتا-اناعا جۇكتەلەدى. پوليسيا كامەلەتكە تولماعاندار اراسىنداعى قىلمىستىڭ الدىن الۋ ءۇشىن قولدان كەلگەننىڭ ءبارىن جاسايدى، ءبىراق نەگىزگى تاربيە وتباسىندا. ءجاسوسپىرىم تۇندە كوشەدە جۇرسە - بۇل دابىل قاعاتىن جاعداي. ءبىز اتا-انالاردى بالالارىنا مۇقيات بولۋعا جانە ولاردىڭ قايدا جانە كىممەن ۋاقىت وتكىزەتىنىن بىلۋگە شاقىرامىز. ءاربىر ەرەسەك ادام تاربيە بەرۋ تەك مەكتەپ نەمەسە پوليسيانىڭ جۇمىسى ەمەس ەكەنىن تۇسىنگەندە عانا ءبىزدىڭ كۇش-جىگەرىمىز ناتيجەلى بولادى. بۇل بۇكىل وتباسىنىڭ جانە جالپى قوعامنىڭ جاۋاپكەرشىلىگى، - دەدى الماتى قالاسى پد جەرگىلىكتى پوليسيا قىزمەتى باسقارماسى يۋۆەنالدى پوليسيا ءبولىمىنىڭ باستىعى جاننا شونجانوۆا.
الماتى پوليسياسى قۇقىق بۇزۋشىلىقتىڭ الدىن الۋ مەن كامەلەتكە تولماعانداردىڭ قۇقىقتارىن قورعاۋعا باسا نازار اۋدارا وتىرىپ، “ءجاسوسپىرىم” جەدەل الدىن الۋ ءىس-شاراسى اياسىندا جۇمىسىن جالعاستىرادى.