سەبەبى ولار قازاقستاندا بولۋ ەرەجەلەرىن بۇزعان.
الماتى قالاسىنداعى قىلمىستىق احۋالدى تۇراقتاندىرۋ جانە ق ر كوشى-قون زاڭناماسىن بۇزۋشىلاردى انىقتاۋ ماقساتىندا 11 قىركۇيەك پەن 30 قىركۇيەك ارالىعىندا «جالدامالى»ءىس-شاراسى ءوتىپ جاتىر، دەپ حابارلايدى Almaty-akshamy.kz.
Polisia.kzء-تىڭ مالىمەتىنشە، ءىس-شارانىڭ 4 كۇنىندە 695 كوشى-قون زاڭناماسىن بۇزۋشى اكىمشىلىك جاۋاپكەرشىلىككە تارتىلدى.
«اتاپ ايتقاندا، ق ر بولۋ ەرەجەلەرىن بۇزعانى ءۇشىن 209 شەتەلدىك جاۋاپكەرشىلىككە تارتىلسا، شەتەلدىكتەردىڭ ق ر بولۋىنىڭ زاڭدىلىعىن قامتاماسىز ەتۋ شارالارىن قولدانباعانى ءۇشىن 122 قابىلداۋشى زاڭدى جانە جەكە تۇلعاعا ايىپپۇل سالىندى. سونىمەن قاتار جەكە باسىن كۋالاندىراتىن قۇجاتى جوق 206 شەتەل ازاماتى پد-نىڭ قابىلداپ-تاراتۋىنا ورنالاستىرىلدى. 34 شەتەلدىك سوت شەشىمىمەن قازاقستاننان شىعارىلدى»، – دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
سونداي-اق الماتى پوليسياسىنىڭ قىزمەتكەرلەرى جەدەل ءىس-شارا بارىسىندا رف-نىڭ سامارا وبلىسىنىڭ پوليسەيلەرىمەن ىزدەۋدە جۇرگەن 1992 جىلى تۋعان رەسەي فەدەراسياسىنىڭ قىلمىسقا قاتىسى بار ازاماتىن ۇستادى.