الماتىدا ۇرلىقپەن اينالىسقان كۇدىكتى قاماۋعا الىندى.
بىرنەشە رەت سوتتالعان ازامات الماتى اۋماعىندا كەم دەگەندە 20 ۇرلىق جاسادى دەگەن كۇدىككە ءىلىندى، دەپ حابارلايدى Almaty-akshamy.kz Polisia.kz-كە سىلتەمە جاساپ.
المالى اۋدانىنىڭ پوليسەيلەرى ويىن-ساۋىق ورىندارى مەن اكىمشىلىك عيماراتتاردا ءبىرقاتار ۇرلىق جاسادى دەگەن كۇدىكپەن تۇركىستان وبلىسىنىڭ 33 جاستاعى تۇرعىنىن ۇستادى. جاس جىگىت كوبىنەسە ءارتۇرلى گادجەتتەر مەن ءاميانداردى ۇرلادى.
«جەدەل ۋاكىلدەر ىزدەستىرۋ شارالارىن جۇرگىزىپ، ناتيجەسىندە 20-عا جۋىق ۇرلىق جاسادى دەگەن كۇدىكپەن 33 جاستاعى س.ەسىمدى ازاماتتى ۇستادى. قاسكوي كۇن سايىن دەرلىك ءتۇرلى مۇلىكتى ۇرلادى. ونىڭ بىرنەشە ۇرلىعى مەكەمەلەردە ورناتىلعان بەينەباقىلاۋ كامەرالارىنا جازىلىپ قالعان»، – دەيدى المالى اۋداندىق پوليسيا باسقارماسىنىڭ باستىعى ولجاس ءشارىپوۆ.
قازىرگى ۋاقىتتا كۇدىكتى ۋاقىتشا ۇستاۋ يزولياتورىنا قامالدى. بوتەننىڭ مۇلكىن ۇرلاۋ دەرەكتەرى بويىنشا ق ر قك-نىڭ 188-بابىنا سايكەس قىلمىستىق ءىس تەرگەلىپ جاتىر. ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.