الماتىدا 20-دان استام ادامدى الداپ كەتكەن الاياق ۇستالدى.
المالى اۋداندىق پوليسيا باسقارماسىنا 20-دان استام جابىرلەنۋشى الاياقتىق تۋرالى ارىزبەن جۇگىنگەن. ءتارتىپ ساقشىلارىنىڭ ايتۋىنشا، يۋ.ەسىمدى ازامات ينۆەستيسيالىق كومپانياعا سالىم سالۋدى سىلتاۋ ەتىپ، قوماقتى قارجى جيناعان، دەپ حابارلايدى Almaty-akshamy.kz Polisia.kz-كە سىلتەمە جاساپ.
اقشانى العاننان كەيىن ول بەلگىسىز باعىتتا جىسىرىنعان. ال تۇسكەن قاراجاتتى ءوز قالاۋى بويىنشا پايدالانعان.
«جەدەل ىزدەستىرۋ ءىس-شارالارى بارىسىندا “كليەنتتەردەن” قاشىپ، تاراز قالاسىنا بارعان 30 جاستاعى رەسەي فەدەراسياسىنىڭ تۋماسى ۇستالدى. ءقازىر قىزمەتكەرلەرمەن الاياقتىقتىڭ 30 دەرەگى دالەلدەندى. ول بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە ق ر قك-نىڭ 190-بابى 3-بولىگىنىڭ 4- تارماعىنا سايكەس قىلمىستىق ءىس قوزعالدى»، – دەدى المالى اۋداندىق پوليسيا باسقارماسىنىڭ باستىعى ەسەن ىسقاقوۆ.
جەدەل قىزمەتكەرلەر الدانعان ادامداردىڭ بۇدان دا كوپ ەكەنىنە سەنىمدى. ۇستالعان ازاماتتىڭ سۋرەتىن مۇقيات قاراپ شىعۋلارىڭىزدى جانە وسى ادامنىڭ ارەكەتىنەن زارداپ شەككەندەردىڭ بارلىعى مىنا تەلەفون نومىرلەرى ارقىلى حابارلاسۋلارىڭىزدى سۇرايمىز: 8-705-555-7763؛ 8-775-747-7778.