الماتى پوليسياسى 2024 جىلى “جول ءجۇرىسى تۋرالى” زاڭعا وزگەرتۋلەر ەنگىزىلگەنىن ەسكە سالدى.
ەندى موپەد جۇرگىزۋشىلەرى جول قوزعالىسىنىڭ تولىققاندى قاتىسۋشىلارى جانە ولارعا بارلىق زاڭ تالاپتارى قولدانىلادى، دەپ حابارلايدى aqshamnews.kz Polisia.kz-كە سىلتەمە جاساپ.
بۇگىنگى كۇنى 2013 موپەد يەسى رەسمي تىركەۋ ءراسىمىن اياقتادى.
— قوعامدا “زاڭ مەن ءتارتىپ” قاعيداتىن نىعايتۋ، سونداي-اق ەلىمىزدىڭ ءىرى قالاسىنداعى جولدارداعى قاۋىپسىزدىكتى قامتاماسىز ەتۋ اياسىندا الماتى قالاسىنىڭ پوليسيا قىزمەتكەرلەرى بارلىق جەردە موپەد يەلەرىنە، كولىك قۇرالدارىن تىركەۋ جانە جول قوزعالىسى قاۋىپسىزدىگى ەرەجەلەرىن ساقتاۋ قاجەتتىگىن ەسكە سالىپ، ءتۇسىندىرۋ جۇمىستارىن جۇرگىزۋدە. وسى جىلدىڭ 5 ساۋىرىنەن كەيىن موپەدىن ۋاكىلەتتى ورگاندا تىركەمەگەن جانە “ا1” ساناتىنداعى جۇرگىزۋشى كۋالىگىنسىز موپەدتى باسقارعان موپەد جۇرگىزۋشىلەرى اكىمشىلىك جاۋاپكەرشىلىككە تارتىلاتىن بولادى. ال كولىك قۇرالى مامانداندىرىلعان ايىپپۇل تۇراعىنا ورنالاستىرىلادى، - دەدى الماتى قالاسى پد اكىمشىلىك پوليسيا باسقارماسى پروسەسسينگ ورتالىعىنىڭ باستىعى ايدىن مەركىمبايەۆ.