ماسەلە سەيفۋللين داڭعىلى مەن ماقاتايەۆ كوشەسىنىڭ قيىلىسىندا پوليسيا قىزمەتكەرلەرى ۇستاعان Toyota Land Cruiser كولىگىنىڭ يەسى تۋرالى بولىپ وتىر.
اۆتوماتتاندىرىلعان باعدارلامالىق جۇيەلەردەن الىنعان مالىمەتتەرگە سايكەس، جول تالعامايتىن كولىك جۇرگىزۋشىسى جول قوزعالىسى ەرەجەسىن 73 رەت بۇزعان. ايىپپۇلدىڭ جالپى سوماسى 2 ميلليون 223 مىڭ تەڭگەنى قۇرادى، دەپ حابارلايدى Almaty-akshamy.kz Polisia.kz-كە سىلتمە جاساپ.
«بۇل بۇزۋشىلىقتاردىڭ بارلىعى قالانىڭ بەينەجۇيەلەرى ارقىلى تىركەلگەن. سونىمەن قاتار اۆتوكولىكتىڭ مەملەكەتتىك تىركەۋ نومىرلىك بەلگىلەرى جالعان ەكەنى انىقتالدى. كولىك ايىپپۇل تۇراعىنا ورناتىلدى، كولىك يەسىنە قاتىستى ەكى اكىمشىلىك حاتتاما تولتىرىلدى»، – دەدى جەرگىلىكتى پوليسيا قىزمەتى باسقارماسى باستىعىنىڭ ورىنباسارى تيمۋر نوعايبايەۆ.
بۇرىن حابارلانعانداي، الماتى پوليسياسى جالعان مەملەكەتتىك تىركەۋ نومىرلىك بەلگىسىن پايدالاناتىن، كولىكتەرىنە ارنايى بەلگى بەرۋ قۇرىلعىلارىن ورناتقان، كولىك قۇرالىن ماس كۇيىندە باسقارعان جانە تولەنبەگەن ايىپپۇلدارى بار كولىك جۇرگىزۋشىلەرىن انىقتاۋ جانە جاۋاپكەرشىلىككە تارتۋ بويىنشا ماقساتتى جۇمىستار جۇرگىزىلىپ جاتىر. باسقاشا ايتقاندا – ءقاۋىپتى جۇرگىزۋشىلەر. الماتى پوليسياسى تۇرعىندارعا اكىمشىلىك ايىپپۇلدى دەر كەزىندە تولەۋ كەرەكتىگىن تاعى دا ەسكە سالىپ، جول قوزعالىسى ەرەجەلەرىن قاتاڭ ساقتاۋعا شاقىردى.