بارلىق جۇمىستار كەستەگە سايكەس جۇرگىزىلدى.
قالا اكىمى ە. دوسايەۆتىڭ تاپسىرماسى بويىنشا، 2022-2023 جىلدارداعى جاڭا جىلىتۋ ماۋسىمى الماتىدا 2022 جىلعى 17 قازاندا باستالدى. جاڭا جىلىتۋ ماۋسىمىنىڭ اشىلعان كۇنى مەتەورولوگيالىق بولجامدار مەن الماتىداعى اۋا رايىنىڭ كۇندەلىكتى مونيتورينگى نەگىزىندە انىقتالدى، دەپ حابارلايدى Almaty-akshamy.kz.
بۇل رەتتە تۇتىنۋشىلاردى جىلۋمەن جابدىقتاۋعا قوسۋ مىناداي كەزەك بويىنشا كەزەڭ-كەزەڭمەن جۇزەگە اسىرىلاتىن بولادى:
- بالاباقشالار، ەمدەۋ ورىندارى، مەكتەپتەر، كاسىپتىك مەكتەپتەر، مەديسينالىق-الەۋمەتتىك مەكەمەلەر؛
- تۇرعىن ۇيلەر، جاتاقحانالار، قوناق ۇيلەر؛
- اكىمشىلىك عيماراتتار، وقۋ ورىندارى، تەاترلار؛
- باسقا عيماراتتار.
جىلۋمەن جابدىقتاۋ جەلىلەرىن الداعى جىلىتۋ ماۋسىمىنا دايىنداۋ بويىنشا بارلىق جۇمىستار كەستەگە سايكەس جۇرگىزىلدى. «الماتى جىلۋ جەلىلەرى» ج ش س تۇتىنۋشىعا جىلۋ بەرۋدى قامتاماسىز ەتەدى.
سونىمەن قاتار، كوپ پاتەرلى تۇرعىن ۇيلەردى جىلۋمەن قامتاماسىز ەتۋ پروسەسى باستالدى. جىلۋ جەلىلەرى جىلۋ ەنەرگياسىن بالانستىق شەكتەۋ شەكاراسىنا دەيىن (ۇيگە كىرەر الدىندا) جەتكىزۋدى قامتاماسىز ەتەدى. باسقارۋشى كومپانيا، پيك، وسي ۇيگە كىرە بەرىستەگى پارامەترلەردى تەكسەرىپ، ءۇي ىشىندەگى جىلۋمەن جابدىقتاۋ جۇيەسىن بارلىق قاجەتتى شارالارمەن قوسۋدى جۇزەگە اسىرۋى كەرەك.