قازۇمۋ جۇقپالى جانە تروپيكالىق اۋرۋلار كافەدراسىنىڭ پروفەسسورى. اسفەندياروۆ راۆيل ەگەمبەردييەۆا وڭىرلىك كوممۋنيكاسيالار قىزمەتىنىڭ الاڭىندا ءسوز سويلەپ، 12 جاستان اسقان بالالاردىڭ اتا-انالارىن ولاردى ۆاكسيناسيالاۋعا شاقىردى.
الماتى قالاسى قوعامدىق دەنساۋلىق باسقارماسىنىڭ مالىمەتىنشە، قالادا Pfizer پرەپاراتىمەن 2 736 ادام ۆاكسينالانعان: 1 644 ءجاسوسپىرىم، 251 جۇكتى ايەل جانە 841 بالا ەمىزەتىن انا، دەپ حابارلايدى Almaty-akshamy.kz
ر. ەگەمبەردييەۆا اتاپ وتكەندەي، الماتىلىقتاردىڭ وسى ساناتتارىن ۆاكسيناسيالاۋ شەشىمى اقش، گەرمانيا، ۇلىبريتانيا، يزرايل، بەلگيا، ءۇندىستان جانە ءباا تاجىريبەسىنە نەگىزدەلگەن.
ول Pfizer شىعارعان «كوميرناتي» ۆاكسيناسى ددۇ ماقۇلداعان تىزىمگە ەنگىزىلگەنىن ەسكە سالدى. سونداي-اق، وسى ۇيىمنىڭ ارالىق مالىمەتتەرى بويىنشا 12-15 جاس ارالىعىنداعى جاسوسپىرىمدەردىڭ قاتىسۋىمەن كلينيكالىق زەرتتەۋلەردىڭ ءۇشىنشى كەزەڭى پرەپاراتتىڭ جوعارى تيىمدىلىگى مەن ايتارلىقتاي جوعارى قاۋىپسىزدىگىن كورسەتتى.
پروفەسسور «كوميرناتي» Pfizer ۆاكسيناسى جۇكتى ايەلدەرگە دە ۇسىنىلعانىن ەسكە سالدى.
- ولار كوۆيد ينفەكسياسىنىڭ اۋىر جاعدايى ءۇشىن ءقاۋىپ توبىنا كىرەدى. سوندىقتان دەنساۋلىقتى جانە ومىرگە ءالى كەلمەگەن نارەستەنى COVID-19-دان قورعاۋدىڭ ەڭ ءتيىمدى ادىسى-ۆاكسيناسيا. ەگەر ايەل جۇكتىلىككە دەيىن ەكپە سالىپ ۇلگەرمەگەن بولسا، ونى 16-37 اپتا ارالىعىندا ۆاكسينالانۋ ۇسىنىلادى، - دەپ حابارلادى ر. ەگەمبەردييەۆا.
- قازىرگى كەزدە جۇكتى ايەلدەر مەن بالالاردىڭ اتا-انالارى وزدەرىنىڭ جانە بالاسىنىڭ ءومىرى ءۇشىن جاۋاپتى. كوروناۆيرۋس ۆاكسيناسيادان كەيىنگى قىسقا مەرزىمدى جاناما اسەرلەرگە قاراعاندا الدەقايدا ءقاۋىپتى، - دەيدى ينفەكسيونيست.
ول COVID-19-عا قارسى ۆاكسينانىڭ ايەلدەر مەن ەرلەردىڭ رەپرودۋكتيۆتى دەنساۋلىعىنا كەرى اسەرىن ناقتىلايتىن دالەلدەردىڭ جوق ەكەنىن اتاپ ءوتتى.