الماتىدا بايقاداموۆ كوشەسىندەگى 1984 جىلدان بەرى پايدالانىلىپ كەلە جاتقان 1،2 شاقىرىمنان استام قۇبىر اۋىستىرىلادى.
2024 جىلعى 12 ماۋسىم مەن 15 قىركۇيەك ارالىعىندا الماتى قالاسىنىڭ بوستاندىق اۋدانىندا بايقاداموۆ كوشەسىندە روزىباكييەۆ كوشەسىنەن گاگارين داڭعىلىنا دەيىن، سونداي-اق رادوستوۆەس كوشەسىندە بايقاداموۆ كوشەسىنەن جۋراۆليەۆ كوشەسىنە دەيىن كولىك قوزعالىسى شەكتەلەدى، دەپ حابارلايدى Almaty-akshamy.kz.
قوزعالىس ەكى جاققا دا جابىلادى.
1984 جىلدان باستاپ پايدالانۋعا بەرىلگەن، اتالعان كوشەنىڭ استىنداعى جالپى ۇزىندىعى 1220 مەتر قۇبىردى قايتا جاڭارتۋ اۋماعىندا جوسپارلى جۇمىس جۇرگىزۋ قاۋىپسىزدىگىن قامتاماسىز ەتۋ ءۇشىن ۋاقىتشا شەكتەۋلەر ەنگىزىلەدى.
بۇل قۇبىر 97 كوپپاتەرلى تۇرعىن ءۇيدى، 12 جەكە ءۇيدى، 4 بالاباقشانى، 2 دەنساۋلىق ساقتاۋ نىسانىن جانە 27 وزگە دە نىساندى جىلۋمەن جانە ىستىق سۋمەن قامتاماسىز ەتەدى. اتالعان اۋماقتاعى تۇتىنۋشىلارعا رەكونسترۋكسيا كەزىندە ىستىق سۋ بەرۋ توقتاتىلمايدى.
2024 جىلى جالپى ۇزىندىعى 20 كم بولاتىن 23 نىساندى قايتا جاڭارتۋ جوسپارلانىپ وتىر، بۇل جىل سايىنعى كورسەتكىشتەن ەكى ەسە كوپ. 25 جىلدىق نورماتيۆتىك قىزمەت ەتۋ مەرزىمى وتكەن قۇبىرلار ەندى 30 نەمەسە ودان دا ۇزاق جىل جۇمىس ىستەۋگە ارنالعان الدىن الا وقشاۋلانعان قۇبىرلارعا اۋىستىرىلادى. بۇل جىلۋ شىعىنىن، سونداي-اق جەلىلەردىڭ توزۋىن شامامەن 1،8% تومەندەتۋگە مۇمكىندىك بەرەدى. بيىل الماتىدا جىلۋمەن جابدىقتاۋ جەلىلەرىنىڭ توزۋى 57،9% بولدى (1385،3 كم-دەن 802،6 كم).
ۋاقىتشا قولايسىزدىققا تۇسىنىستىكپەن قاراۋدى جانە كورسەتىلگەن ۋچاسكەنى اينالىپ ءوتۋ جولدارىن الدىن الا قاراستىرۋدى سۇرايمىز.
«الماتى جىلۋ جەلىلەرى» ج ش س