بيىلعى وقۋ جىلىندا الماتىنىڭ مەملەكەتتىك مەكتەپتەرىنىڭ بارلىق باستاۋىش سىنىپ وقۋشىلارى تەگىن تاماقپەن قامتاماسىز ەتىلدى
وقۋشىلاردىڭ جالپى سانىنىڭ 45%-عا جۋىعى نەمەسە 133 مىڭ بالا مەكتەپتەردە تەگىن تاماقتانادى. بۇل تۋرالى وكق بريفينگىندە الماتى اكىمىنىڭ ورىنباسارى اسەم ءنۇسىپوۆا ايتتى. بۇل ماقساتتارعا جىل سوڭىنا دەيىن جەرگىلىكتى بيۋدجەتتەن 5،3 ميلليارد تەڭگە ءبولىندى، دەپ حابارلايدى اlmaty-akshamy.kz.
«كەلەسى جىلى ازىق-تۇلىك قۇنىن 560 تەڭگەدەن 800 تەڭگەگە دەيىن كوتەردىك، 2023 جىلدىڭ بيۋدجەتىندە بۇل ءۇشىن 18 ميلليارد تەڭگەدەن استام قارجى قاراستىرىلدى. وقۋشىلاردى ۇتىمدى تەڭگەرىمدى تەگىن تاماقپەن قامتاماسىز ەتۋ ءۇشىن ماۋسىمدىق جانە جاس ەرەكشەلىكتەرىن ەسكەرە وتىرىپ، قالانىڭ بارلىق مەكتەپتەرى ءۇشىن ورتالىقتاندىرىلعان 4 اپتالىق اس ءمازىرى بەكىتىلگەن»، - دەپ حابارلادى ءا.ءنۇسىپوۆا.