قايىرىمدىلىق شاراسىنا الماتى قالاسىنىڭ باس يمامى تولەبي ءدادىل ۇلى قاتىسىپ، بالالاردى جاڭا وقۋ جىلىنىڭ باستالۋىمەن قۇتتىقتادى.
قمدب الماتى قالاسى بويىنشا وكىلدىگىنىڭ ۇيىمداستىرۋىمەن «جاڭا وقۋ جىلىنا - جاڭا جابدىقتار» اتتى مەكتەپكە جول قايىرىمدىلىق اكسياسى ۇيىمداستىرىلدى، دەپ حابارلايدى Almaty-akshamy.kz
"ايتا كەتسەك، بۇگىن ءبىر مەزەتتە ورتالىق مەشىتتەن باستاپ قالا بويىنشا بارلىق اۋداندىق مەشىتتەردە قمدب باستاماسىمەن ءداستۇرلى «مەكتەپكە جول» اكسياسى بويىنشا جاڭا وقۋ جابدىقتارى سالىنعان سومكەلەر تابىستالدى. ورتالىق مەشىتتە 500 بالاعا كومەك كورسەتىلسە، تۇرمىسى تومەن كومەككە مۇقتاج وتباسىلارىنان 750 بالاعا اۋداندىق مەشىتتەردە يمامدار وقۋ جابدىقتارىمەن سومكە ۇلەستىرىلدى"، دەلىنگەن ورتالىق مەشىتتىڭ باسپا ءسوز قىزمەتى تاراتقان اقپاراتتا.
قمدب «زەكەت جانە قايىرىمدىلىق» قورىنىڭ الماتى قالاسى بويىنشا وكىلدىگى مۇرىندىق بولعان قايىرىمدىلىق شاراسىنا جومارت جاندار دەمەۋشىلىك كورسەتتى. جاقسىلىقتا جارىسقان ازاماتتارعا اللا رازى بولعاي!