بۇگىن الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا اعىمداعى جىلعى ەكونوميكالىق تەرگەۋ دەپارتامەنتى جۇمىسىنىڭ ناتيجەلەرى ايتىلدى. باسپا ءسوز كونفەرەنسياسىندا ۆەدومستۆونىڭ باسىم مىندەتتەرىنىڭ ءبىرى كولەڭكەلى ەكونوميكاعا، ونىڭ ىشىندە سيفرلىق اكتيۆتەردىڭ زاڭسىز اينالىمىنا قارسى كۇرەس ەكەنىن اتاپ ءوتتى.
الماتى قالاسى بويىنشا ەكونوميكالىق تەرگەۋ دەپارتامەنتىنىڭ باسشىسى دانيار اقجانوۆتىڭ ايتۋىنشا، جىل باسىنان بەرى الماتىدا 111 ەكونوميكالىق قىلمىس تىركەلگەن، ونىڭ 79-ى سوتقا جىبەرىلگەن، دەپ حابارلايدى aqshamnews.kz..
اۋىر قىلمىستار بويىنشا 68 جاعداي تىركەلدى. تەرگەۋ ناتيجەسىندە مەملەكەتكە مۇلىككە تىيىم سالۋ ناتيجەسىندە الىنعان قاراجاتتى قوسا العاندا، 47،7 ملرد تەڭگە قايتارىلدى.
«اقشانى جىلىستاتۋ جانە زاڭسىز ارەكەتتەردى قارجىلاندىرۋ ءۇشىن ءجيى قولدانىلاتىن سيفرلىق اكتيۆتەردىڭ زاڭسىز اينالىمىمەن كۇرەسۋگە باسا نازار اۋدارىلادى. 2023 جىلعى 6 اقپاندا كۇشىنە ەنگەن «ق ر - داعى سيفرلىق اكتيۆتەر تۋرالى» جاڭا زاڭعا سايكەس قازاقستان اۋماعىندا «استانا» حالىقارالىق قارجى ورتالىعىنىڭ اۋماعىن قوسپاعاندا، قامتاماسىز ەتىلمەگەن سيفرلىق اكتيۆتەردى شىعارۋعا جانە اينالىمعا تىيىم سالىنىتىنىن، - ايتتى د.اقجانوۆ.
قازىرگى ۋاقىتتا احقو-دا قامتاماسىز ەتىلمەگەن سيفرلىق اكتيۆتەردىڭ اينالىمى احقو قارجى قىزمەتتەرىن رەتتەۋ كوميتەتى ليسەنزيالاعان سۋبەكتىلەردىڭ الاڭدارىندا رۇقسات ەتىلگەن. كوميتەت قامتاماسىز ەتىلمەگەن سيفرلىق اكتيۆتەرى بار ليسەنزيالاناتىن قىزمەت تۇرلەرى شەڭبەرىندە قارجى قىزمەتتەرىن كورسەتەتىن سۋبەكتىلەردىڭ، Binance، ByBit، Huobi، KuCoin جانە باسقا دا كريپتو-بيرجالاردىڭ رەتتەۋشىسى بولىپ تابىلادى.
«ەڭ الدىمەن، كريپتوۆاليۋتا ترانزاكسيالاردىڭ قاۋىپسىزدىگى مەن انونيمدىلىگىن قامتاماسىز ەتۋ ءۇشىن پايدالانىلاتىنىن ءتۇسىنۋ كەرەك. ونى ەدب-دەگى كەز كەلگەن ۆاليۋتالىق شوت ارقىلى ەركىن ايىرباستاۋعا، تاۋارلار مەن قىزمەتتەردى ساتىپ الۋعا جانە قولما-قول اقشاعا اينالدىرۋعا بولادى. ول قولدانۋشىلار اراسىندا بارعان سايىن تانىمال بولا تۇسۋدە، سونىمەن قاتار قىلمىسكەرلەردىڭ نازارىن اۋدارادى، ويتكەنى ونى اقشانى جىلىستاتۋ، تەرروريزمدى جانە باسقا دا قىلمىستاردى قارجىلاندىرۋ سياقتى زاڭسىز ماقساتتاردا پايدالانۋعا بولادى»، - دەدى د.اقجانوۆ.
وكق سپيكەرى قازىرگى ۋاقىتتا كريپتوۆاليۋتا كولەڭكەلى ونلاين-نارىقتاردا بەلسەندى قولدانىلاتىنىن اتاپ ءوتتى. وسى سالالاردا قولدانىلاتىن بيتكويندەر مەن كريپتوۆاليۋتالاردىڭ باسقا تۇرلەرى ءىس جۇزىندە الەمنىڭ ەشبىر جەرىندە ناقتى زاڭدى جىكتەۋى جوق.
قازىرگى ۋاقىتتا دەپارتامەنت 58،5 ملن اقش دوللارىنان استام سوماعا سيفرلىق اكتيۆتەردى ايىرباستاۋ جونىندەگى زاڭسىز قىزمەتكە بايلانىستى التى قىلمىستىق ءىستى تەرگەپ جاتىر. الدىن الۋ ماقساتىندا «كيبەرنادزور» جۇيەسى ارقىلى وسىنداي قىزمەتپەن اينالىساتىن 134 ينتەرنەت-رەسۋرس بۇعاتتالدى. سونداي-اق، كريپتوۆاليۋتانى زاڭسىز پايدالانۋ جاعدايلارىن بەلسەندى تۇردە زەرتتەيتىن سيفرلىق اكتيۆتەر سالاسىنداعى قۇقىق بۇزۋشىلىقتارمەن كۇرەسۋ ءۇشىن ارنايى «كريپتون» بولىمشەسى قۇرىلدى.