2023 جىلدىڭ قىركۇيەگىنەن باستاپ قازاقستاندا، سونىڭ ىشىندە الماتىدا جاتىر موينى وبىرىنىڭ الدىن الۋ ءۇشىن ادام پاپيللوما ۆيرۋسىنا (HPV) قارسى 11 جاستاعى قىزدارعا ۆاكسيناسيا جۇرگىزىلۋدە.
الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى قاسىمحان الپىسباي ۇلى وڭىرلىك كوممۋنيكاسيالار قىزمەتىنىڭ الاڭىندا حابارلاعانداي، 2024 جىلعى 4 قاراشاداعى جاعداي بويىنشا قالادا 11 جاستاعى 1724 قىز ۆاكسيناسيالاندى، ال قوسىمشا يممۋنداۋ شەڭبەرىندە 12 جانە 13 جاستاعى 2340 قىز ۆاكسيناسيا الدى، دەپ حابارلايدى aqshamnews.kz.
دەپارتامەنتتىڭ حابارلاۋىنشا، ناۋقان ءتيىستى جاستاعى بارلىق قىزداردى قامتي وتىرىپ جالعاسادى.
«ۆاكسيناسيانى الماتى مەكتەپتەرىندەگى كوشپەلى مەديسينالىق بريگادالار جۇرگىزەدى، ولار 41 مەديسينالىق ۇيىمعا بەكىتىلگەن جانە 251 مەملەكەتتىك جانە جەكەمەنشىك مەكتەپتى قامتيدى. HPV-گە قارسى ۆاكسيناسيا ۇكىمەتتىڭ 2024 جىلعى اقپاندا قابىلدانعان قاۋلىسىنا سايكەس تەگىن مەديسينالىق كومەكتىڭ كەپىلدەندىرىلگەن كولەمىنە ەنگىزىلگەن. باعدارلاما ددۇ، يۋنيسەف جانە ق ر دەنساۋلىق ساقتاۋ مينيسترلىگىنىڭ قولداۋىمەن رەسپۋبليكالىق بيۋدجەت قاراجاتىنا ىسكە اسىرىلۋدا»، - دەپ ءبولىستى ق. الپىسباي ۇلى.
سونىمەن قاتار، ۆاكسيناسيانىڭ ماڭىزدىلىعى تۋرالى حالىقتىڭ حاباردارلىعىن ارتتىرۋ ءۇشىن كوپسالالى جۇمىس توبى قۇرىلدى. ونىڭ شەڭبەرىندە ب ا ق الدىنا شىعىپ ءسوز سويلەۋ ءۇشىن سپيكەرلەر دايىندالدى، سونداي-اق مەديسينا جانە ءبىلىم بەرۋ قىزمەتكەرلەرىنە ارنالعان وقىتۋ سەمينارلارى ازىرلەندى جانە وتكىزىلدى.
2024 جىلدىڭ مامىر جانە ماۋسىم ايلارىندا الماتىدا مەكتەپ مەديسينا قىزمەتكەرلەرىنە ارنالعان قالالىق سەمينارلار مەن ۆەبينارلار، سونداي-اق ددۇ مەن ۇلتتىق رادياسيالىق مەديسينا ورتالىعىنىڭ ساراپشىلارىنىڭ قاتىسۋىمەن مامانداندىرىلعان كونفەرەنسيا ءوتتى. ناۋقان باستالعاننان بەرى 2894 مەديسينا قىزمەتكەرىنىڭ قاتىسۋىمەن 148 دوڭگەلەك ۇستەل مەن كونسۋلتاسيالار، ءدىني قاۋىمداستىقتارمەن 43 كەزدەسۋ، دارىگەرلەر مەن ورتا مەديسينالىق قىزمەتكەرلەرگە ارنالعان 223 سەمينار جانە مۇعالىمدەرگە ارنالعان 341 ترەنينگ وتكىزىلدى.
اتاپ وتىلگەندەي، اتا-انالار كوميتەتتەرىمەن كەزدەسۋلەردەن كەيىن 7111 اتا-انانى حاباردار ەتۋ مۇمكىن بولدى، ال 11 جاستاعى بالالاردىڭ قاتىسۋىمەن وتكىزىلگەن سىنىپ ساعاتتارى 6500-دەن استام اتا-انانى قامتىدى.
قورىتىندىلاي كەلە، دەپارتامەنت 11-13 جاس ارالىعىنداعى قىزدار اراسىندا HPV ۆاكسيناسياسىنىڭ ماڭىزدىلىعى تۋرالى حالىقتى اقپاراتتاندىرۋ جۇمىستارى جالعاسىپ جاتقانىن اتاپ ءوتتى.