الماتى قالاسىنىڭ N7 قالالىق كلينيكالىق اۋرۋحاناسىنىڭ قابىلداۋ بولىمشەسىنە 1922 جىلى تۋعان ناۋقاس جەدەل تۇردە ءتۇستى، دەپ حابارلايدى اlmaty-akshamy.kz ەمحانانىڭ باسپا ءسوز قىزمەتىنە سىلتەمە جاساپ.
100 جاسار اجە ۇيىندە قۇلاعاننان كەيىن العان جاراقاتىنا بايلانىستى سول جاق جامباس بۋىنىنداعى اۋرۋىنا شاعىمداندى. قاجەتتى دياگنوستيكالىق زەرتتەۋلەردى جۇرگىزگەننەن كەيىن دياگنوز قويىلدى: ىعىسۋى بار سول جاق سان سۇيەگىنىڭ مويىن بولىگىنىڭ جابىق سىنۋى.
دەفورماسيالار، اياق-قولداردى قالىپتى تۇردە بۇگۋگە جانە بوساتۋعا قابىلەتسىزدىگى، سىنۋ جانە بىرگە جۇرەتىن اۋىرسىنۋلار سياقتى كورسەتكىشتەر بولعان كەزدە، وتا جاساۋعا رۇقسات ەتىلەدى. ادەتتە، ەگدە جاستاعى ادامداردا فەمورالدى مويىننىڭ سىنۋى كەزىندە كونسەرۆاتيۆتى ەمدەۋ كومەكتەسپەيدى. ناۋقاستىڭ جاسى ۇلعايعانىن، قاتار جۇرەتىن اۋرۋلاردىڭ بولۋىن ەسكەرە وتىرىپ، كارديولوگ، ينتەرنيست، انەستەزيولوگ دارىگەرلەر كەڭەس وتكىزىلدى.
وپەراسيالىق بريگادا قۇرامىنا تراۆماتولوگتار اسكەروۆ ر.ا.، ۋتەشيەۆ ب.ب.، انەستەزيولوگ-رەانيماتولوگ داتبايەۆ م.ج. جانە مەدبيكە تۋلەنوۆا ج.ا. ەنگىزىلدى. جاسالعان وتا ءتۇرى - سول جاق جامباس بۋىنىنىڭ Strayker پروتەزىمەن توتالدى سەمەنتسىز ارتروپلاستيكاسى.
وپەراسيا جوعارى دەڭگەيدە ءوتتى. جەتىنشى اۋرۋحانانىڭ دارىگەرلەرى قارت ناۋقاستى اياعىنا تۇرعىزدى. تراۆماتولوگ-دارىگەر باۋىرجان وتەشيەۆتىڭ ايتۋىنشا، ءساتتى جاسالعان وپەراسيا ناۋقاستىڭ ەرتە بەلسەندى قيمىل جاساۋىنا مۇمكىندىك بەردى. ناۋقاس وتا جاساعاننان كەيىن ەكىنشى كۇنى جانساقتاۋ بولىمىنەن پوليتراۆما بولىمشەسىنە اۋىستىرىلدى.
دارىگەرلەردىڭ ايتۋىنشا، بولىمشەدەگى 100 جاستاعى ناۋقاستا سۇيەك تىندەرى جاسىنا سايكەس كەلمەيدى، ونىڭ مينەرالدى تىعىزدىعى جوعارى، بۇل 50، ءارى كەتسە 60 جاستاعى ادامدارعا ءتان. ناۋقاستىڭ قىزىنىڭ ايتۋىنشا، بۇل ەڭ الدىمەن ءومىر سالتى، تاڭەرتەڭگى گيمناستيكامەن، سودان كەيىن گيگيەنالىق پروسەدۋرالاردان باستالاتىن اناسىنىڭ كۇندەلىكتى دۇرىس رەجيمىمەن بايلانىستى.
تاماقتانۋ دا اسەر ەتەدى: ول تەك ءۇي تاعامدارىن از-ازدان، قاتاڭ بەلگىلەنگەن ۋاقىتتا قابىلدايدى، قۋىرىلعان تاعامداردى تۇتىنبايدى، ءسۇت ونىمدەرىن كوبىرەك پايدالانادى. ايتپاقشى، 10 بالانى دۇنيەگە اكەلگەن كەيۋانا - ءقازىر كوپتەگەن نەمەرە-شوبەرەلەرىنىڭ جانە 6 شوپشەكتىڭ باقىتتى اجەسى. بۇگىنگى تاڭدا قاريانىڭ جاعدايى تۇراقتى، ءوزىن جاقسى سەزىنەدى، ۇيىنە شىعۋعا دايىندالۋدا.
"توسەككە تاڭىلماعانىم ءۇشىن ءبىرىنشى اللاعا ءتاۋبا، ودان كەيىن دارىگەرلەرگە مىڭ العىس. انەستەزيانى جەڭىل كوتەردىم. شاماسى، زاماناۋي پرەپاراتتار جاقسى جانە دارىگەرلەردىڭ دە كوزقاراسى وتە زور بولدى. ولارعا وتە ريزامىن. ءقازىر وپەراسيادان كەيىن مەن ءوزىمدى جاقسى سەزىنەمىن"، - دەدى كەيۋانا.