الماتىدا زاڭسىز اينالىمنان 10 مىڭنان استام ەلەكتروندى تەمەكى تاركىلەنىپ، ساتۋشىلار مەن جەتكىزۋشىلەرگە قاتىستى قىلمىستىق ىستەر قوزعالدى، دەپ حابارلايدى aqshamnews.kz.
بۇل تۋرالى 16 تامىز كۇنى الماتى قالالىق پوليسيا دەپارتامەنتىنىڭ كريمينالدىق پوليسيا باسقارماسىنىڭ باستىعى ماكسات كاناپيايەۆ مالىمدەدى.
«كيبەرپول» قىزمەتكەرلەرى ۆەيپتەردى زاڭسىز ساتۋمەن اينالىسقان بەس ادامدى ۇستادى.
«زاڭسىز اينالىمنان ءارتۇرلى وندىرۋشىلەردىڭ 10 مىڭنان استام ءبىر رەتتىك ەلەكتروندى تەمەكىلەرى تاركىلەندى. ءاربىر جاعداي بويىنشا تەرگەۋ ارەكەتتەرى جۇرگىزىلۋدە. ساتۋشىلار مەن وسى ونىمدەردى جەتكىزۋمەن اينالىسقان تۇلعالارعا قاتىستى قازاقستان رەسپۋبليكاسى قىلمىستىق كودەكسىنىڭ 301-1-بابى بويىنشا تەمەكى شەكپەيتىن بۇيىمداردى، ەلەكتروندىق تۇتىنۋ جۇيەلەرىن، حوش يىستەندىرگىشتەر مەن سۇيىقتىقتاردى ساتقانى جانە تاراتقانى ءۇشىن قىلمىستىق ىستەر قوزعالدى»، — دەپ مالىمدەدى ۆەدومستۆو باسشىسى.