بۇگىندە الماتىدا 38 بازار جۇمىس ىستەيدى، ونىڭ تورتەۋى مامانداندىرىلعان، 34ء-ى امبەباپ.
ولاردىڭ يەلەرى 2025 جىلعا دەيىن جاڭعىرتۋ جۇمىستارىن اياقتاۋى كەرەك، دەپ حابارلايدى aqshamnews.kz
ساۋدا جانە ينتەگراسيا مينيسترلىگىنىڭ جول كارتاسىنا سايكەس، جاڭارتۋ "ارلان"، "باتىر"، "تۇلپار"، "ارىستان"، "جىبەك جولى"، "ازيا"، "تاۋ سامالى"، "بەرەكە"، "ساۋداكەنت" جانە "سارىارقا" بازارلارىنا تيەسىلى.
"ساۋدا زاڭناماسىنا سايكەس، بارلىق بازارلار زاماناۋي ستاندارتتارعا ساي بولۋى كەرەك: اۆتوتۇراق ورىندارىنىڭ بولۋىن قامتاماسىز ەتۋ، سانيتارلىق جانە ءورت قاۋىپسىزدىگى نورمالارىن ساقتاۋ جانە ونلاين تولەم مۇمكىندىگىن قولداۋ"، دەلىنگەن قازاقستان رەسپۋبليكاسى ساۋدا جانە ينتەگراسيا مينيسترلىگىنىڭ حابارلاماسىندا.
قورىتىندىلاي كەلە، ماماندار قانداي دا ءبىر سەبەپتەرمەن قوجايىندارى جاڭعىرتۋدى اياقتاي الماسا، 2026 جىلدان باستاپ اكىمشىلىك جاۋاپكەرشىلىككە تارتىلاتىنىن باسا ايتادى.