الماتىدا ءبىر توپ ادام 10 مىڭ تەڭگەلىك جالعان بانكنوتتاردى وتكىزىپ كەلگەن
الماتىدا 10 000 تەڭگەلىك جالعان بانكنوتتاردى ساتۋمەن اينالىسقان ءبىر توپ ادامنىڭ قىلمىستىق ارەكەتىنىڭ جولى كەسىلدى، دەپ حابارلايدى قازاقپارات.
قارجى مونيتورينگى اگەنتتىگىنىڭ الماتى قالاسى بويىنشا دەپارتامەنتى جۇرگىزگەن ءتىنتۋ بارىسىندا قىلمىستىق ارەكەتتىڭ زاتتاي ايعاعى - جالعان بانكنوتتار، ۇيالى تەلەفوندار جانە باسقا دا زاتتار تابىلىپ، تاركىلەنگەن.
اتالعان فاكتى بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
ءبىر كۇدىكتى قاماۋعا الىندى. قازىرگى ۋاقىتتا ەكىنشى كۇدىكتىنى ۇستاۋ ءۇشىن جەدەل ىزدەستىرۋ شارالارى باستالعان. سونداي-اق، باسقا تۇلعالاردىڭ زاڭسىز ارەكەتتەرگە قاتىسى بار-جوعى انىقتالۋ ۇستىندە.
«تەرگەۋ جالعاسىپ جاتىر. ق ر قپك 201-بابىنا سايكەس وزگە دە مالىمەتتەر جاريا ەتۋگە جاتپايدى»، - دەپ ءمالىم ەتتى اگەنتتىكتىڭ رەسمي وكىلى الىبەك ءابدىلوۆ.