ءىرى مولشەردەگى شەتەل ۆاليۋتاسى جويىلدى
ق ر قارجىلىق مونيتورينگ اگەنتتىگى الماتى قالاسى بويىنشا اۋماقتىق دەپارتامەنتىنىڭ قىزمەتكەرلەرى الماتىدا اسا ءىرى مولشەردە جالعان شەتەل ۆاليۋتاسىن جويدى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
اگەنتتىكتىڭ باسپا ءسوز قىزمەتىندە مالىمدەگەندەي، شەتەل ۆاليۋتاسى 2020 جىلدىڭ سوڭىندا جەدەل ىزدەستىرۋ ءىس-شارالارى بارىسىندا انىقتالعان. جەدەل ىزدەستىرۋ شاراسى بارىسىندا قالا تۇرعىنى ت.قالييەۆ 293 مىڭ اقش دوللارى سوماسىندا جالعان كۋپيۋرالاردى وتكىزۋ كەزىندە ۇستالعان.
«تەرگەۋ مالىمەتىنە سايكەس، ت.قالييەۆ 2020 جىلدىڭ قىركۇيەكتەن قاراشا ايىنا دەيىن نومينالى 100 اقش دوللارى بولاتىن جالعان شەتەل ۆاليۋتاسىن بىرنەشە رەت ساتقان. ءتىنتۋ ناتيجەسىندە زاڭسىز اينالىمنان 975 مىڭنان استام جالعان دوللار تاركىلەندى. سوت ۇكىمىمەن ت. قالييەۆكە 6 جىلعا باس بوستاندىعىنان ايىرۋ جازاسى تاعايىندالدى»، - دەپ مالىمدەدى ق ر قارجىلىق مونيتورينگ اگەنتتىگى الماتى قالاسى بويىنشا اۋماقتىق دەپارتامەنتىنىڭ باسپا ءسوز قىزمەتىندە.