الماتىدا جاس پەداگوگتارعا ارنالعان «Almaty Ustazy» بايقاۋى اياقتالدى. الماتى اكىمى ەربولات دوسايەۆ مۇعالىمدەر كۇنىن تويلاۋعا ورايلاستىرىلعان مەرەكە كەزىندە سينگاپۋردا وقۋ تاجىريبەسىنەن وتۋگە سەرتيفيكاتتارمەن ماراپاتتادى.
شەتەلگە №159، 168، 202، 206، 24 مەكتەپ مۇعالىمدەرىنەن 5 فيناليست باراتىن بولدى. سينگاپۋردا مۇعالىمدەر جەتەكشى مەكتەپتەردىڭ جۇمىسىمەن تانىسىپ، شەتەلدىك وقۋ ورىندارىمەن تاجىريبە الماسادى. باس جۇلدە يەگەرى № 159 مەكتەپ-گيمنازياسىنىڭ قازاق ءتىلى مەن ادەبيەتى ءپانىنىڭ ءمۇعالىمى سالتانات اناپيايەۆا 5 ملن تەڭگە كولەمىندە اقشالاي سىيلىققا يە بولدى.
بايقاۋعا قاتىسۋشىلار ءۇشىن قالا اكىمىنىڭ جاسامپازدىق پەن شىعارماشىلىق ءۇشىن ارنايى سىيلىعى قاراستىرىلعان. ونى №105، 94 مەكتەپ-گيمنازياسى مەن №134 مەكتەپ-ليسەيىنەن ءۇش قاتىسۋشى الدى.
«Almaty Ustazy» بايقاۋى 2023 جىلدىڭ 1 ساۋىرىندە باستالىپ، ءۇش كەزەڭدە ءوتتى. وعان 2،5 مىڭنان استام ادام قاتىستى.