سوڭعى رەت الماتىداعى نىسانداردى پاسپورتتاۋ 2017 جانە 2018 جىلدارى جۇرگىزىلگەن.
ق ر پرەمەر-مينيسترى ءاليحان سمايىلوۆ الماتىعا جۇمىس ساپارى بارىسىندا قالانىڭ الەۋمەتتىك-ەكونوميكالىق دامۋى ماسەلەلەرى بويىنشا كەڭەس وتكىزدى، دەپ حابارلايدى اlmaty-akshamy.kz ۇكىمەتتىڭ تەلەگرام كانالىنا سىلتەمە جاساپ.
جيىن بارىسىندا ۇكىمەت باسشىسى سەيسميكالىق قاۋىپسىزدىك ماسەلەلەرىنە ەرەكشە نازار اۋداردى. ونىڭ ايتۋىنشا، تۇركيا مەن سيريادا بولعان تابيعي اپاتتار ءبىزدىڭ ەلىمىز ءۇشىن، اسىرەسە الماتى ءۇشىن ۇلكەن ساباق بولۋى ءتيىس.
ول سوڭعى رەت قالاداعى نىسانداردى پاسپورتتاۋ 2017 جانە 2018 جىلدارى جۇرگىزىلگەنىن اتاپ ءوتتى. وسىعان بايلانىستى توتەنشە جاعدايلار مينيسترلىگى مەن قالا اكىمدىگى بىرلەسىپ، قىسقا مەرزىمدە اۋديت جۇرگىزىپ، سەيسميكالىق قاۋىپسىزدىكتى كۇشەيتۋ جونىندەگى پارمەندى شارالاردى ىسكە اسىرۋى ءتيىس.
«بۇل ماسەلەلەردە الەمدىك تاجىريبەنى تەك الماتىدا عانا ەمەس، ەلىمىزدىڭ جەر سىلكىنىسىنە ۇشىراۋى ىقتيمال باسقا دا وڭىرلەرىندە پايدالانۋ قاجەت. ۋاكىلەتتى مەملەكەتتىك ورگاندار بۇعان دەيىن الىنىپ تاستالعان جوبالاۋ، قۇرىلىس جانە باقىلاۋ پروسەستەرىن زاڭنامالىق تۇرعىدا قاتاڭداتۋ ماسەلەسىن شۇعىل تۇردە قاراستىرۋى كەرەك»، - دەدى ءاليحان سمايىلوۆ.