ەربولات دوسايەۆ Almaty تەلەارناسىنىڭ قىزمەتىمەن تانىستى، دەپ حابارلايدى Almaty-akshamy.kz
الماتى اكىمى ەربولات دوسايەۆ Almaty تەلەارناسىنا بارىپ، تەلەراديوكومپانيانىڭ قىزمەتىمەن تانىستى جانە شىعارماشىلىق ۇجىممەن كەزدەستى.
قالا باسشىسىنا تەلەارنا جۇمىسىنىڭ ناتيجەلەرى تۋرالى باياندالدى. Almaty ارناسىنىڭ باس ديرەكتورى تيمۋر بازاربايەۆتىڭ ايتۋىنشا، سوڭعى 1،5 جىلدا تەلەاۋديتورلاردىڭ ءوسۋى شامامەن 70% -دى قۇرادى، ال سايتتى قاراۋ 5 ەسەگە-جىلىنا 9-دان 45 ملن-عا دەيىن ءوستى. بۇل رەتتە كوممەرسيالىق كىرىستەر 65% - عا، ال مەديا ساتۋشى جەلىسى بويىنشا 2 ەسە ءوستى. سونداي-اق، Almaty تەلەارناسى رەسپۋبليكالىق مارتەبەگە يە بولدى جانە بۇكىل ەل بويىنشا مىندەتتى ارنالار تىزىمىنە ەندى. رەبرەندينگ جۇرگىزىلدى ءارى حابار تاراتۋدىڭ بۇكىل تۇجىرىمداماسى تۇبەگەيلى وزگەردى. بارلىق بيزنەس-پروسەستەر وڭتايلاندىرىلىپ، قىزمەتكەرلەردىڭ جالاقىسى 50% - عا ارتتى.
جاڭا ماۋسىمدا كورەرمەندەر ءۇشىن 18 تەلەجوبا دايىندالدى. ءوز ءوندىرىسىنىڭ مەملەكەتتىك تىلدەگى ۇلەسى 83% - عا جەتتى.
سونداي-اق، اكىمگە تەلەارنانىڭ جاڭارعان ءتۇسىرىلىم پاۆيلونى تانىستىرىلدى، وندا اشىلعانىنا 6 جىل وتكەن سوڭ بيىل مودەرنيزاسيا جۇرگىزىلدى. ستۋديانىڭ پايدالى الاڭى 2 ەسەگە ۇلعايتىلدى: الەۋمەتتىك، مادەني، زياتكەرلىك جانە باسقا دا تەليەۆيزيالىق جوبالاردى ءتۇسىرۋ ءۇشىن 4 لوكاسيا قۇرىلدى. جاڭا امبەباپ كوپفۋنكسيونالدى كەڭىستىك كەز-كەلگەن ءتۇسىرىلىم فورماتىنا سايكەس كەلەدى. رەكونسترۋكسيالاۋ اياسىندا كەز-كەلگەن كۇردەلى تەلەجوبالاردى تۇسىرۋگە مۇمكىندىك بەرەتىن زاماناۋي بەيىمدەلگىش دەكوراسيالار سالىندى، ءتوزىمدى پوليمەرلى تولتىرعىش جابىن قولدانىلدى. سونىمەن قاتار، جاڭا ءتۇسىرۋ جانە مونتاجداۋ جابدىقتارى قويىلدى.
ەربولات دوسايەۆ تەلەارنانىڭ قىزمەتىمەن تانىسىپ، جاڭا تەحنولوگيالاردىڭ دامۋىن ەسكەرە وتىرىپ، وندىرىستىك-تەحنيكالىق بازانى ودان ءارى جاڭارتۋ قاجەتتىگىنە نازار اۋداردى. ادامي كاپيتالدى دامىتۋ شارالارى تەحنيكالىق قولداۋمەن بىرگە ارناعا ۋاقىت تالاپتارىنا جاۋاپ بەرەتىن جوعارى ساپالى ءونىم جاساۋعا مۇمكىندىك بەرەتىنى اتاپ ءوتىلدى.
«ءبىزدىڭ قالا ءۇشىن Almaty تەلەارناسى ەرەكشە ءرول اتقارادى. الماتىلىق رۋحتى قولداۋ جانە قالا تۇرعىندارىنا جاقسى كوڭىل-كۇي سىيلاۋ - ارنانىڭ باستى مىندەتى. بۇگىندە ارنانىڭ كونتەنتى الماتىنىڭ وزەكتى كۇن ءتارتىبىن كورسەتەدى جانە قالانىڭ ءار تۇرعىنى ارنادان كەرەگىن تابا الادى»، - دەدى ەربولات دوسايەۆ ءارى تەلەارنا ۇجىمىنا قالاداعى وقيعالاردى جاريالاۋداعى جۇمىسى ءۇشىن العىسىن ءبىلدىردى.
مەگاپوليس باسشىسى تەك قالانىڭ عانا ەمەس، ەلىمىزدىڭ باسقا وڭىرلەرى تۇرعىندارىنىڭ دا اۋديتوريا تالاپتارىنا باسا نازار اۋدارۋدى جانە حابار تاراتاتىن كونتەنتتى تۇزەتۋدى ايتتى. سونداي-اق، اكىم الماتىداعى كرەاتيۆتى يندۋستريا كاسىپورىندارىمەن ىنتىماقتاستىقتى ارتتىرۋداعى ارنانىڭ بولاشاعىن اتاپ ءوتتى.