تۋريزم نىساندارىنا قوعامدىق كولىكپەن كەلۋ ءۇشىن 27،6 ملرد تەڭگە بولىنەدى.
الماتىدا ءتۋريزمدى 680 ملرد تەڭگەگە دامىتۋ جوسپارلانۋدا، دەپ حابارلايدى Almaty-akshamy.kz LS سىلتەمە جاساپ.
اكىمدىكتىڭ جوسپارىنا سايكەس، 2023-2030 جىلدارى وسى سالانى دامىتۋ ءۇشىن جالپى سومانىڭ تەك 12،6 ملرد تەڭگەسى جەرگىلىكتى بيۋدجەتتەن قارجىلاندىرۋعا تۋرا كەلەدى. 667،4 ملرد تەڭگە جەكە ينۆەستورلار ەسەبىنەن تارتىلاتىن بولادى.
ينۆەستيسيالاردىڭ ەڭ كوپ كولەمى يندۋستريانى دامىتۋعا باعىتتالادى. ونىڭ ىشىندە 2024 جىلعا دەيىن اۋەجاي جاڭعىرتىلۋى ءتيىس.
سونداي-اق، باس جوسپار ازىرلەنىپ، نومىرلىك قوردى ۇلعايتۋ جوسپارلانۋدا.
الماتى اگلومەراسياسىندا ءبىرقاتار جوبالار تاۋلارمەن بايلانىستى (123،6 ملرد تەڭگە): سسكا تاۋ شاڭعىسى بازاسىن قايتا جاڭارتۋ (6،6 ملرد تەڭگە)، "شىمبۇلاق" كۋرورتىن جاڭعىرتۋ (52 ملرد تەڭگە)، "بۋتاكوۆكا" كۋرورتىن سالۋ (65 ملرد تەڭگە).
تۋريزم نىساندارىنا قوعامدىق كولىكپەن كەلۋ ءۇشىن 27،6 ملرد تەڭگە بولىنەدى. ونىڭ ىشىندە دەمالىس ورىندارىنا 40 كم اسپالى جول سالۋعا - 27،5 ملرد تەڭگە. بۇل رەتتە ءۇش نۇسقا قاراستىرىلادى. ءبىرىنشىسى (ەسەنتاي وزەنىنىڭ بويىندا): ورتالىق ستاديون – شاڭعى ترامپليندەرىنىڭ كەشەنى – كوك جايلاۋ شاتقالى؛ ەكىنشىسى (كىشى الماتى وزەنىنىڭ بويىندا): ورتالىق ساياباق. گوركيي – كوك-توبە – "مەدەۋ" مۇز ايدىنى؛ ءۇشىنشى (ۇلكەن الماتى وزەنىنىڭ بويىندا): "سايران" اۆتوۆوكزالى – تۇڭعىش پرەزيدەنت پاركى – باو. قولدانىستاعى جولدارمەن ينتەگراسيالاۋ جانە مەملەكەتتىك-جەكە مەنشىك ارىپتەستىكتى قولدانۋ جوسپارلانۋدا.
بۇدان باسقا، تۋريزم سالاسىنداعى قازاقستاندىق مامانداردىڭ بىلىكتىلىگى ارتتىرىلىپ، شەتەلدىك ساراپشىلاردىڭ تاجىريبەسى تارتىلاتىن بولادى.