الماتى اكىمى اپپاراتىنىڭ باسشىسى پرەزيدەنت اكىمشىلىگىنە قىزمەتكە باردى

بۇل تۋرالى اقوردا حابارلادى.

2023 جىلعى 5 قاڭتاردا مەملەكەت باسشىسى قاسىم-جومارت توقايەۆتىڭ وكىمىمەن اسات نۇرپەيىسوۆ قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى بولىپ تاعايىندالدى، دەپ حابارلايدى Almaty-akshamy.kz

اسات نۇرپەيىسوۆ 1987 جىلى 18 شىلدەدە دۇنيەگە كەلگەن. 2010 جىلى پراگاداعى نيۋ-يورك ۋنيۆەرسيتەتىن ەكونوميكا جانە مەنەدجمەنت ماماندىعى بويىنشا، 2012 جىلى ەۋروپالىق بيزنەس مەكتەبىن، حالىقارالىق بانك ءىسى جانە قارجى ماگيسترى MSc Global Banking and Finance ماماندىعىن ءبىتىردى.

پرەزيدەنتتىك جاستار كادر رەزەرۆىنىڭ مۇشەسى.

2012-2015 جج. KPMG Tax and Advisory باسقارۋ كەڭەسىندە جۇمىس ىستەدى.

2015-2016 جج. – مەملەكەتتىك باسقارۋ جۇيەسىن دامىتۋ دەپارتامەنتىنىڭ باسشىسى، قازاقستان رەسپۋبليكاسى ۇلتتىق ەكونوميكا ءمينيسترىنىڭ كەڭەسشىسى.

2016-2017 جج. - «بايتەرەك» نۇح» اق كورپوراتيۆتىك قارجى دەپارتامەنتىنىڭ ديرەكتورى.

2018-2019 جج. - باس ينسپەكتور، باسشىنىڭ ورىنباسارى، قازاقستان رەسپۋبليكاسى پرەمەر-مينيسترى كەڭسەسىنىڭ جوبالاردى باسقارۋ ورتالىعىنىڭ باسشىسى مىندەتىن اتقارۋشى.

2019-2022 جج. - قازاقستان رەسپۋبليكاسى ۇلتتىق بانكى ءتوراعاسىنىڭ اپپارات باسشىسى.

2022 جىلدىڭ 16 اقپانىنان باستاپ الماتى قالاسى اكىمى اپپاراتىنىڭ باسشىسى بولىپ تاعايىندالعان.