الماتى قالاسىنىڭ كيبەرپوليسيا قىزمەتكەرلەرى اقپاراتتىق تەحنولوگيالاردى پايدالانا وتىرىپ جاسالعان قۇقىق بۇزۋشىلىقتاردىڭ الدىن الۋ جانە ولاردىڭ جولىن كەسۋ ماقساتىندا جۇرگىزىلىپ جاتقان "Anti Fraud" جەدەل-پروفيلاكتيكالىق ءىس-شاراسى تۋرالى ەسكە سالدى.
جۋىردا الماتى قالاسىنىڭ المالى اۋدانىندا قۇقىق قورعاۋ ورگاندارى ارنايى رەيد بارىسىندا كۇدىك تۋدىرعان 35 جاستاعى ەر ادامدى ۇستادى. ول ايتييەۆ كوشەسىندەگى ۇيلەردىڭ ءبىرىنىڭ اۋلاسىندا رۇقسات ەتىلمەگەن دىبىس جازۋ فۋنكسياسى بار USB-فلەشكانى ساتىپ، زاڭسىز قۇرىلعىنى الەۋەتتى كليەنتكە وتكىزبەك بولعان، دەپ حابارلايدى aqshamnews.kz Polisia.kz-كە سىلتەمە جاساپ.
- بۇل ارەكەت زاڭعا قايشى جانە قازاقستان رەسپۋبليكاسىنىڭ قىلمىستىق كودەكسىنىڭ 399-بابىمەن قاراستىرىلعان قۇقىق بۇزۋشىلىق بولىپ تابىلادى. وسى دەرەك بويىنشا المالى اۋداندىق پوليسيا باسقارماسى اقپاراتتى جاسىرىن الۋ ءۇشىن ارنايى تەحنيكالىق قۇرالداردى زاڭسىز ءوندىرۋ، دايىنداۋ، الۋ، وتكىزۋ نەمەسە پايدالانۋ فاكتىسى بويىنشا قىلمىستىق ءىس قوزعادى، – دەپ مالىمدەدى الماتى قالالىق پد كيبەرقىلمىسقا قارسى كۇرەس باسقارماسىنىڭ باسشىسى انەس قالدىبايەۆ.
تەرگەۋ مۇددەسىنە سايكەس ق ر قك-نىڭ 201-بابىنا ساي وزگە اقپارات جاريالانبايدى. سونىمەن قاتار، ق ر كونستيتۋسياسىنىڭ 77-بابىنىڭ 3ء-بولىمىنىڭ 1-تارماعىنا جانە ق ر قك-نىڭ 19-بابىنىڭ 1-تارماعىنا سايكەس كەز كەلگەن ازاماتتىڭ كىناسى سوت شەشىمى زاڭدى كۇشىنە ەنگەنگە دەيىن دالەلدەنبەگەن بولىپ سانالادى.