ەسىرتكى تاسىمالداعان الماتى تۇرعىنىن جامبىل وبلىسىنىڭ پوليسەيلەرى قولعا ءتۇسىردى.
2023 جىلعى 7 قاڭتاردا الماتى قالاسىنىڭ تۇرعىنى وتىرعان ۆاز-2107 اۆتوكولىگىن تەكسەرۋ كەزىندە ەسىرتكى زاتى بار ءۇش قاپشىق انىقتالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ەر ادام اتالعان كولىكتىڭ جولاۋشىسى بولعان. اۆتوكولىك ءتاتتى اۋىلىنىڭ ماڭىنداعى مەركى – شۋ – بۋرىلبايتال رەسپۋبليكالىق ماڭىزى بار اۆتوجولىنىڭ 40-شى شاقىرىمىندا ۇستالدى.
«جامبىل وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى پاترۋلدىك پوليسيا باتالونىمەن بىرلەسىپ اۆتوكولىكتى ۇستادى. جالپى سالماعى 30،7 كەلى بولاتىن كەپتىرىلگەن ماريحۋانا ەسىرتكى زاتى جۇك سالعىشتا بولعان. اتالعان ەسىرتكى زاتتارىن جولاۋشى الماتى قالاسىنا ودان ءارى وتكىزۋ ءۇشىن تاسىمالداعان»، – دەپ اتاپ ءوتتى جامبىل وبلىسى پد ەققىب باستىعى ءالىم باجىقبايەۆ.
ۇستالعان ازامات كىناسىن مويىنداپ، مەركى اۋدانىنىڭ ۋاقىتشا ۇستاۋ يزولياتورىنا قاماۋعا الىندى. وسى دەرەك بويىنشا ق ر قك-نىڭ 297-بابى 3-بولىگىمەن سوتقا دەيىنگى تەرگەپ-تەكسەرۋ امالدارى باستالدى. قازىرگى ۋاقىتتا ارى قاراي جەدەل ىزدەستىرۋ شارالارى جۇرگىزىلىپ جاتىر.