الماتى تۇرعىنى جوق Toyota كولىكتەرىن ساتقان، – دەپ حابارلايدى almaty-akshamy.kz.
كۇدىكتى 43 جاستاعى س.ەسىمدى ەر ادام نارىق باعاسىنان تومەن باعامەن Toyota Camry 40 كولىگىن “ساتقان”. الاياقتىق ماقساتتارىن جۇزەگە اسىرۋ ءۇشىن ەر ادام بىرنەشە ۇيالى تەلەفون قولدانعان. ول ءوزىن كولىك يەسىمىن، كەيىن لومبارد قىزمەتكەرىمىن نەمەسە حالىققا قىزمەت كورسەتۋ ورتالىعىنىڭ قىزمەتكەرىمىن دەپ تانىستىردى.
– ەڭ ءوتىمدى كولىكتەردىڭ ءبىرىن ارزان باعامەن ساتىپ العىسى كەلەتىندەر كوپ بولدى. كەلىسسوزدەر بارىسىندا الاياق جابىرلەنۋشىلەردى كليەنت كوپ دەپ ءتۇسىندىرىپ، الدىن الا تولەم تولەۋگە اسىقتىردى. اقشا اۋدارعان سوڭ قاسكوي تەلەفوندى ءوشىرىپ تاستاعان. ۇستالعان ازاماتقا قاتىستى ق ر قك-نىڭ 190-بابى بويىنشا سوتقا دەيىنگى تەرگەۋ امالدارى باستالدى، – دەدى الاتاۋ اۋداندىق پوليسيا باسقارماسىنىڭ باستىعى ءىلياس ومىرسەرىكوۆ.
بەلگىلى بولعانداي، قازىرگى ۋاقىتتا س.ەسىمدى ازاماتتىڭ قاتىسۋىمەن 15 الاياقتىق فاكتىسى انىقتالدى. ول ۋاقىتشا ۇستاۋ يزولياتورىنا قامالدى.
پوليسەيلەر وسى ادامنىڭ ارەكەتىنەن زارداپ شەككەن ازاماتتاردى مىنا تەلەفون نومىرلەرى بويىنشا حابارلاسۋلارىڭىزدى سۇرايدى: 227-55-02؛ 8-708-380-54-00؛ 8-775-663-94-36.
اقپارات كوزى Polisia.kz سايتىندا: https://polisia.kz/almaty-turghyny-zhoq-toyota-kolikterin-satqan/