ەلىمىزدىڭ ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆپەن وتكەن كەزدەسۋدە بۇدان وزگە دە قورشاعان ورتانى قورعاۋعا قاتىستى وزەكتى ماسەلەلەر تالقىلاندى، دەپ حابارلايدى Almaty-akshamy.kz 24.kz-كە سىلتەمە جاساپ.
قالا تۇرعىندارى "ۋاقىت سوزدىرماي جىلۋ ەلەكتر ورتالىقتارى مەن اۆتوكولىكتەردەن شىعاتىن كومىرقىشقىل گازىن ازايتىپ، تۇرمىس قالدىقتارىن وڭدەۋگە قاتىستى تىڭ جوبالاردى قولعا الۋ كەرەك" دەيدى. مينيسترلىك وكىلدەرىنىڭ ايتۋىنشا، وكىنىشكە قاراي، ەلىمىزدە ازىرگە قوقىس قالدىقتارىنىڭ 18 پايىزى عانا وڭدەلەدى. دەگەنمەن، الداعى ۋاقىتتا بۇل كورسەتكىشتى 30 پايىزعا جەتكىزۋ جوسپاردا بار. سونداي-اق مينيسترمەن كەزدەسۋدە جۇرتشىلىق شاھاردى كوگالداندىرۋ، ەسكى كولىكتەردىڭ جايى مەن حالىق اراسىندا ەكولوگيالىق مادەنيەتتى قالىپتاستىرۋ سياقتى جايتتاردى كوتەردى.
«جىلۋ ستانسياسى بويىنشا 2026 جىلعا دەيىن گرەس-گى ستانسيا، الماتىنىڭ ىشىندەگى گازعا تولىق كوشەتىن بولادى. رەكونسترۋكسيا جاساپ جاتىر. 83 پروسەنت فراكسيالارىن ازايتۋعا جوسپارىمىز بار. بۇل ءبىر. ەكىنشىسى - ۇكىمەتپەن بىرلەسىپ، كولىككە بايلانىستى جول كارتاسىن ازىرلەدىك»، - دەيدى ق ر ەگترم ەكولوگيالىق رەتتەۋ جانە باقىلاۋ كوميتەتىنىڭ ءتوراعاسى زۇلفۇحار جولداسوۆ.