ءورت ماۋسىمى جالعاسىپ جاتىر.
«قازگيدرومەت» رمك داۋىلدى ەسكەرتۋىنە سۇيەنە وتىرىپ، توتەنشە جاعدايلار دەپارتامەنتى 7 قىركۇيەكتە الماتىدا 35 گرادۋسقا دەيىن قاتتى ىستىق بولاتىنىن ايتتى، دەپ حابارلايدى Almaty-akshamy.kz
الماتى توتەنشە جاعدايلار دەپارتامەنتىنىڭ مالىمەتىنشە، ءقازىر ءورت ورنىندا سىناق-زەرتتەۋ ءورت زەرتحاناسىنىڭ قىزمەتكەرلەرى، سونىمەن قاتار الماتى قالاسى توتەنشە جاعدايلار دەپارتامەنتىنىڭ انىقتاۋشىلارى جۇمىس ىستەپ جاتىر.
«ءورت ماۋسىمى جالعاسىپ جاتىر. «قازگيدرومەت» رمك داۋىلدى ەسكەرتۋىنە سۇيەنە وتىرىپ، توتەنشە جاعدايلار دەپارتامەنتى 7 قىركۇيەكتە الماتىدا 35 گرادۋسقا دەيىن قاتتى ىستىق بولاتىنىن حابارلادى. تاۋلى-ورمان ايماعىندا جوعارى ءورت قاۋپىنە بايلانىستى قالا تۇرعىندارى مەن قوناقتارىن تاۋدا دەمالۋ كەزىندە اشىق وتتى قولدانباۋ، وت جاعۋ جانە تەمەكى شەگۋدەن باس تارتۋدى سۇرايمىز»، - دەدى الماتى توتەنشە جاعدايلار دەپارتامەنتىنىڭ ماماندارى.
سونىمەن قاتار دەپارتامەنت قالا تۇرعىندارى مەن قوناقتارىنا ءورت قاۋىپسىزدىگى تالاپتارىن بۇزعانى ءۇشىن ايىپپۇل بار ەكەنىن ەسكەرتتى.
«ەرەكشە قورعالاتىن تابيعي اۋماقتاردا ءورت قاۋىپسىزدىگى تالاپتارىن بۇزعانى ءۇشىن اقبتك-نىڭ 367-بابىنا سايكەس جەكە تۇلعالارعا ايىپپۇل مولشەرى 10-نان 100 اەك-كە دەيىن وزگەرەدى، ياعني 30 مىڭ 063 تەڭگەدەن 306 مىڭ 300 تەڭگەگە دەيىن ايىپپۇل قاراستىرىلعانىن ەسكەرتەمىز»، دەلىنگەن الماتى تجد تاراتقان اقپاراتتا.
اۋىر زارداپتار بولعان جاعدايدا كىنالىلەر قىلمىستىق جاۋاپكەرشىلىككە تارتىلۋى مۇمكىن.
وزدەرىڭىزگە بەلگىلى، تۇنگى ۋاقىتتا اۆياسيا قاۋىپسىزدىك شارالارىنا بايلانىستى تابيعي ورتتەردى سوندىرۋگە قاتىسپايدى. ءورتتىڭ تەز لوكاليزاسياسى (01 ساعات، 6 مينۋتتا) بارلاۋداعى دروندى قولدانۋ ارقىلى جەڭىلدەتىلدى، - دەلىنگەن تجد حابارلاماسىندا.
6 قىركۇيەك كۇنى ساعات 18:58-دە الماتى قالاسى توتەنشە جاعدايلار دەپارتامەنتىنىڭ قۇراما كومانداسى تابيعي ورتتەردى جويۋ ءۇشىن مەدەۋ اۋدانى، جانىبەكوۆ كوشەسى، 78-ۇيگە جاقىن جەرگە باردى.
كەلگەن كەزدە كوكتوبە تاۋىنىڭ باۋرايىنىڭ 3 گەكتار اۋماعى ورتەنىپ جاتقانى انىقتالىپ، قالانىڭ ءوزارا ارەكەتتەسۋ قىزمەتىنىڭ (اكىمدىك، «الماتى سۋ» مەكەمەسىنىڭ تەحنيكاسى، پوليسيا قىزمەتكەرلەرى) كۇشتەرى مەن قۇرالدارى ۇلعايتىلدى. ءورتتى ءسوندىرۋ قيىن جەر بەدەرى، جەلدىڭ كۇشەيۋى جانە كۇننىڭ قاراڭعى بولۋىنا بايلانىستى قيىندادى. پوليسەيلەر تۇرعىنداردى حاباردار ەتىپ، جاقىن ماڭداعى ءدامحانالاردان ەۆاكۋاسيالاۋ جۇمىسىن جۇرگىزدى.
20-22-دە ءورت تولىق لوكاليزاسيالانىپ، 20:35-تە جويىلدى. وقيعا ورنىنا 19 بىرلىك ءورت ءسوندىرۋ تەحنيكاسى مەن 130 ادام جۇمىلدىرىلعان. قۇرباندار مەن زارداپ شەككەندەر جوق.