الماتى 9-10 بالدىق سەيسميكالىق ايماقتا ورنالاسقان.
وكق بريفينگىندە قۇتقارۋ قىزمەتتەرى توتەنشە جاعداي كەزىندە جانە ودان كەيىن ءار ازاماتتىڭ اركەتە ەتۋى مەن جەكە دايىندىعى ماڭىزدى ەكەنىن ەسكە سالدى، دەپ حابارلايدى Almaty-akshamy.kz.
الماتىلىقتار ءۇشىن جەر سىلكىنىسى كەزىندە وتباسىلىق نەمەسە ۇجىمدىق ءىس قيمىل جوسپارىن جاساۋ ماڭىزدى:
- جەر استى دۇمپۋلەر كەزىندە ارەكەت ەتۋ ءۇشىن ۇيىڭىزدەگى ەڭ ءقاۋىپسىز جەرلەردى الدىن-الا انىقتاۋ قاجەت. مۇنداي ورىندارعا مىنالار جاتادى: كۇردەلى ىشكى قابىرعالاردىڭ ساڭىلاۋلارى، ىشكى قابىرعالاردان پايدا بولعان بۇرىشتار، ىشكى قابىرعالاردى باعاندارىنىڭ جانىنداعى ورىندار جانە جاقتاۋ ارقالىقتارىنىڭ استىندا؛
- عيماراتتان ەۆاكۋاسيالاۋدىڭ ەڭ قىسقا جولىن انىقتاڭىز نەمەسە عيمارات ىشىندە ءقاۋىپسىز ورىن تابىڭىز؛
- سونداي-اق، بولعان جەر سىلكىنىسىنەن كەيىن وتباسىڭىزدىڭ جينالۋ ورنىن الدىن الا انىقتاڭىز.
الماتى قالاسى توتەنشە جاعدايلار دەپارتامەنتىنىڭ باسشىسى نۇرلان اتىعايەۆ قابىلدانۋى قاجەت شارالار تۋرالى ايتا وتىرىپ، بيىك ۇيلەردە تۇراتىن الماتىلىقتار ءبىلۋى ءتيىس 10 قاراپايىم ەرەجەنى ەستە ساقتاۋدى ۇسىندى:
1. دۇربەلەڭگە تۇسپەڭىز، سابىرلىق ساقتاڭىز؛
2. جەر استى دۇمپۋلەرى كەزىندە ليفت پەن باسپالداقتى پايدالانباڭىز، جەر سىلكىنىپ جاتقان ۋاقىت وتكەنشە ۇيدە كۇتىڭىز؛
3. جيھازدان، تەرەزەلەردەن، ليۋسترادان الىستاڭىز؛
4. جاسىرىناتىن ورىن تابىڭىز (جۇك كوتەرگىش/كاپيتال/ىشكى قابىرعالاردىڭ بۇرىشى)؛
5. عيماراتتان شىعىڭىز (كوپ قاباتتى ۇيلەردە – جەراستى دۇمپۋلەرى توقتاعاننان كەيىن)؛
6. سۋدى، گازدى، ەلەكتر قۋاتىن ءوشىرىڭىز؛
7. الدىن-الا دايىندالعان «دابىل چەمودانىن» الىڭىز؛
8. عيماراتتان ەۆاكۋاسيالاۋ كەزىندە ەلەكتر جەلىلەرىنەن، عيماراتتاردان، اعاشتاردان اۋلاق بولىڭىز؛
9. جەر سىلكىنىسىنىڭ قايتالانۋى مۇمكىن ەكەنىنە دايىن بولىڭىز؛
10. بالالارعا، قارتتارعا، مۇمكىندىگى شەكتەۋلى جاندارعا كومەك كورسەتىڭىز.
ەۆاكۋاسيادان كەيىن زارداپ شەككەن حالىقتى اۋقىمدى توتەنشە جاعداي كەزىندە ورنالاستىرىلاتىن ەڭ جاقىن قابىلداۋ پۋنكتىنە ورنالاستىرۋ قاجەت.
الماتىدا زارداپ شەككەن حالىقتى قابىلدايتىن 384 قابىلداۋ پۋنكتى جۇمىس ىستەيدى.
حالىقتى جانە توتەنشە جاعدايلاردان زارداپ شەككەندەردى جيناۋ پۋنكتتەرى مەكتەپ، بالاباقشا، كوللەدج، جوعارى وقۋ ورىندارى سىندى ءبىلىم بەرۋ ۇيىمدارىندا ورنالاسقان.
«بارشانىڭ نازارىنا!» سيگنالىن ەستىگەننەن سوڭ، قولجەتىمدى حابارلاندىرۋ قۇرالدارىن، مىسالى، «دابىل چەمودانىنداعى» قابىلداعىشتى قوسىپ، الىنعان نۇسقاۋلار بويىنشا ارەكەت ەتۋ كەرەك»، - دەپ تولىقتىردى سپيكەر.
قورىتىندىلاي كەلە، ول جەر سىلكىنىسىنىڭ قايتالاما فاكتورلارىنان قاۋىپسىزدىك شاراسى رەتىندە ءۇي-جايلاردىڭ (بولمەلەردىڭ) قابىرعالارىنا اۋقىمدى جيھازدى بەكىتۋ جۇمىستارىن جۇرگىزۋ ارقىلى، قۇرىلىمدىق ەمەس سەيسميكالىق كۇشەيتۋدى ۇسىنادى.